މޯލްޑިވްސް ޓްރާންސްޕޯޓު އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) ސެކްރެޓަރީގެ މަގާމަށް އާމިނަތު ޝިއުނާ އަހުމަދު އައްޔަން ކޮށްފިއެވެ.
އެމްޓީސީސީން ބުނީ، ކޮމްޕެނީގެ ކޮމްޕެނީ ސެކްރެޓަރީގެ މަގާމަށް އާމިނަތު ޝިއުނާ އަހުމަދު ސައީދު، ހޯދަޑު. ސިންސިއަރ، ޏ.ފުވައްމުލައް ވަނީ ޑިރެކްޓަރުންގެ ބޯޑުން އައްޔަންކޮށްފައިވާ ކަމަށެވެ.
އޭނާ އެމަގާމަށް އައްޔަން ކޮށްފައިވަނީ އާދިއްތަ ދުވަހުއެވެ.
އެމްޓީސީސީގެ ސެކްރެޓަރީގެ މަގާމަށް ބޭފުޅެއް އައްޔަން ކޮށްފައިވާއިރު، ކުންފުނީގައި ހަރުދަނާ ނިޒާމެއް ނެތުމުން ޖެހޭ މައްސަލަތައް ގިނަ ކަމަށާއި، މަސައްކަތްކުރަމުން ދަނީ ނިޒާމު ހަރުދަނާކުރުމަށްކަމަށް އެ ކުންފުނީގެ ސީއީއޯ އާދަމް އާޒިމް ވިދާޅުވެފައިވެއެވެ.
އާޒިމް ވިދާޅުވެފައިވަނީ ކުންފުނި ހަރުދަނާ ކުރުމުގެ މަސައްކަތުގެ ތެރެއިން މުވައްޒަފުން ހަރުދަނާ ކުރާނެ ކަމަށާއި، ތެދުވެރި އަހުލާގު ރަނގަޅު މުވައްޒަފުން ލީޑްކުރެވޭ ފެންވަރަށް ކަންކަން ރަނގަޅު ކުރާނެ ކަމަށެވެ. އަދި މިމަސައްކަތް ނުކުރެވިއްޖެކަމުގައިވާނަމަ ފެއިލްވުން ކަމުގައި ގަބޫލުކުރާނެ ކަމަށް ވެސް އޭނާ ވިދާޅުވިވެފައިވެއެވެ.
