ކޮވިޑް-19 އާ ގުޅިގެން ރާއްޖެ އަށް ގެންނަން ނިންމި ވެންޓިލޭޓަރުތަކުގެ ތެރެއިން، 75 ވެންޓިލޭޓަރު ގެނައުމަށް ދުބާއީގެ ކުންފުންޏާ ހަވާލުކުރީ އެއަށްވުރެ ހެޔޮ އަގެއްގައި އެއެއްޗެހި ލިބޭނެކަން އަންގާފައިވަނިކޮށް ކަމަށް އޭޑީކޭ ޓްރޭޑް އެންޑް ޝިޕިންގ އިން ބުނެފިއެވެ.

އޭޑީކޭ އިން ބުނީ ރާއްޖެއިން ކޮވިޑް-19 ގެ ބަލިމަޑުކަމާއި ކުރިމަތިލުމަށް ކުރަން ޖެހޭ ކަންކަން ކުރުމަށް ރައީސުލްޖުމްހޫރިއްޔާގެ އޮފީހުން އެކުލަވައިލި އެގްޒެކެޓިވް ސްޓިއަރިންގ ކޮމެޓީގެ މެންބަރަކު، ނުރަސްމީކޮށް 15 މާރިޗް 2020 ގައި އޭޑީކޭ ޓްރޭޑް އެންޑް ޝިޕިންގގެ އިސްވެރިއެއްގެ އަރިހުން ޑްރިޖާސް ވެންޓިލޭޓަރު ފޯރުކޮށްދެވޭނެ އަގު އޮޅުން ފިލުވާފައިވާ ކަމަށެވެ.

އެފަރާތުން އަގުގެ މަޢުލޫމާތު ސާފުކުރުމުން، ޖަރމަނީ ވެންޓިލޭޓަރަކީ ދުނިޔޭގެ ލީޑިންގ، މި ވަގުތު ވަރަށް ޑިމާންޑް ބޮޑު ބްރޭންޑަކަށްވެފައި ސަޕްލައި ކުރުމުގައި "ޕްރޮޑަކްޝަން ބޮޓްލްނެކް" ތަކެއް ހުރިކަން ޑްރިޖާސްގެ މައި ކުންފުނިން އޭޑީކޭ އަންގާފައިވާތީވެ، އަވަސް މުއްދަތެއްގެ ތެރޭގައި ސަޕްލައިކޮށް ދެވޭނެތޯ ބުނަން އެނގޭނީ ޑްރިޖާސް މައި ކުންފުނިން ސްޕެސިފިކޭޝަން ވެރިފައި ކޮށްފައި ކަމަށް މައުލޫމާތު ހިއްސާ ކޮށްފައިވާ ކަމަށް އޭޑިކޭއިން ބުނެއެވެ.

މީގެއިތުރުން އޭޑީކޭއިން ބުނީ ޔޫރަޕިއަން ސްޓޭންޑަޑްތަކަށް ފެތޭ، ކޮވިޑް-19 ގެ ހާލަތަށް އެކަށޭނަ ސީ.އީސެޓިފިކޭޝަންގެ ދެ ބްރޭންޑެއްގެ ވެންޓިލޭޓަރ 5500 ޑޮލަރާއި، 6200 ޑޮލަރާ ދެމެދުގެ އަގެއްގައި، 04 ހަފްތާތެރޭގައި ސަޕްލައިކޮށް ދެވިދާނެ ކަމަށް އަންގައި، އެގްޒެކެޓިވް ސްޓީރިއަން ކޮމިޓީގެ މެމްބަރާ އެކަން ހިއްސާކޮށްފައިވާ ކަމަށް އެބަޔާނުގައި ވަނީ ބުނެފައެވެ.

ނަމަވެސް އޭގެ ފަހުން މިކަމާއި ގުޅިގެން ރަސްމީކޮށް ނުވަތަ ނުރަސްމީކޮށް ވެސް އިތުރު އެއްވެސް ފަރާތަކުން ސާފުކޮށްފައެއް ނުވާ ކަމަށެވެ.

އޭޑީކޭ އަކީ ޑްރިޖާސްގެ އޮތޮރައިޒްޑް ޑިސްޓްރިބިއުޓަރުކަން އެނގޭކަން ފާހަގަކޮށް ބަޔާނުގައި ބުނެފައިވަނީ ކަންޓްރީ ޑިސްޓްރިބިއުޓަރު ހުއްޓައި، ޑިސްޓްރިބިއުޓަރު ބައިޕާސްކުރުމަށްފަހު، މިފަދަ ލައިފްސޭވިން ތަކެތި، ތިންވަނަ ފަރާތެއްގެ އަތުން ހޯދުމަކީ އިންޓަނޭޝަނަލް ބެސްޓް ޕްރެކްޓިސް އާ ހިލާފު ކަމެއް ކަމަށެވެ. އަދި ޑަބްލިއުއެޗްއޯ އިން ބުނެގެން ކަމަށް ބުނެ، ދުބާއީގެ ކުންފުންޏަކުން ބޮޑު އަގުގައި، 32،500 އަށް ވެންޓިލޭޓަރެއްގެ މަގުން 75 ޑްރިޖާސް ވެންޓިލޭޓަރު ގަތުމަށް 90 ޕަސެންޓް އެޑްވާންސް ފައިސާ ފޯރުކޮށްދީފައިވާކަން އެނގެން އޮތް ކަމަށް ބަޔާނުގައި ބުނެފައިވެއެވެ.

އޭޑީކޭއިން ބުނީ ކުރިން ކުރި މުއާމަލާތްތަކުގައި ޑްރިޖާސް އޮކްސިލޮގް ވެންޓިލޭޓަރެއް 15،000 ޑޮލަރަށް ހައި އެންޑް އައިސީޔޫ އެންޑް އެންބިއުލޭޓަރީ ވެންޓިލޭޓަރެއް 20،500 ޑޮލަރަށް ލިބިދާނެ ކަމަށް އަގު ދީފައިވާ ކަމަށެވެ.

އެޑީކޭއަކީ މެޑިކަލް ސަޕްލައި ކޮށްދިނުމުގައި ގިނަ އަހަރުތަކެއްގެ ތަޖުރިބާހުރި އަދި ދުނިޔޭގެ މެޑިކަލް އިންޑަސްޓްރީގެ ލީޑިންގ ގިނަ ބްރޭންޑްތަކުގެ އޮތޮރައިޒްޑް ޑިސްޓްރިބިއުޓަރެވެ.

އެގޮތުން ރާއްޖޭގެ އެންމެ ބޮޑު ޕްރައިވެޓް 02 ހޮސްޕިޓަލަށާއި ސަރުކާރު ހޮސްޕިޓަލްތަކަށް ވެސް ގިނަ އަދަދެއްގެ ޑްރިޖާސް ވެންޓިލޭޓަރާއި އެނެސްތީޝިއާ މެޝިން މީގެ ކުރިންވެސް ވާނީ ސަޕްލައިކޮށް ދީފައިވެއެވެ. އަދި ކޮވިޑް-19 އާއި ގުޅިގެން ބޭނުންވާ ޕީސީއާރ މެޝިނާއި ޕީޕީއީ މެދުކެނޑުމެއްނެތި ފޯރުކޮށްދެމުންދާ ކަމަށް ބަޔާނުގައި ބުނެފައިވެއެވެ.

ރާއްޖޭގައި ކޮވިޑް-19ގެ ނުރައްކާ އިންތިހާއަށް ފެތުރިފައިވާ ނާޒުކު ދަނޑިވަޅުގައި، ވެންޓިލޭޓަރާއި ޕީޕީއީ ގަތުމަށްކަމަށް ބުނެ މިނިސްޓްރީ އޮފް ހެލްތުން މުއާމަތްތައް ހިންގާފައިވާ ގޮތުގެ ސަބަބުން، ރައްޔިތުންނަށް ހައްގުވާ ދުނިޔޭގެ ފެންވަރުގެ އެންމެ ފުރިހަމަ ސިއްހީ ވަސީލަތްތަކުން މަހުރޫމްކޮށް، ބަޔަކު މީގެ ނާޖާއިޒް މަންފާ ނަގާފައިވާކަމަށް ވަރަށް ބޮޑަށް ގަބޫލުކުރެވޭ ކަމަށް އޭޑީކޭއިން ބުނެއެވެ.

ދައުލަތުގެ އިދާރާތަކުން ރައްޔިތުންގެ ހައްގުގައި ސީރިއަސް މައްސަލައެއްގެ ގޮތުގައި ބެލުމަށް ވެސް އޭޑީކޭއިން ވަނީ ގޮވާލާފައެވެ.