ރާއްޖެއިން އިތުރު 116 މީހަކު ކޮވިޑް-19ށް ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ޕޮޒިޓިވްވި މީހުންގެ ތެރޭގައި ހިމެނެނީ ރާއްޖޭގެ 77 މީހުންނާއި ބަންގްލަދޭޝްގެ 27 މީހުންނާއި، ލަންކާގެ ހަ މީހުންނާއި އިންޑިއާގެ ފަސް މީހުންގެ އިތުރުން ނޭޕާލުގެ އެކަކު އެވެ. މި ކޭސްތަކާއި އެކު ޕޮޒިޓިވް ކޭސްތަކުގެ އަދަދު ވަނީ 5157ށް އަރާފައެވެ.
ހޯމަ ދުވަހު ބަލިން ފަސޭހަވީ 61 މީހުންނެވެ. ރިކަވަރީ ކޭސްތަކުގެ އަދަދު ވަނީ 2835ށް އަރާފައެވެ.
މާލޭގެ އިތުރުން އިތުރު ފަސް ރަށަކުން ވަނީ ކޮވިޑް ބަލި ފެނިފައެވެ.
