ކޮވިޑް-19އަށް ފުލުހެއް ޕޮޒިޓިވްވުމުން ހެލްތް ޕްރޮޓެކްޝަން އެޖެންސީ (އެޗްޕީއޭ) އާ ގުޅިގެން އަޅަންޖެހޭ ފިޔަވަޅުތައް އަޅާނެ ކަމަށް އެ މުއައްސަސާ އިން ބުނެފިއެވެ.

ފުލުހުން މިހެން ބުނެފައި މިވަނީ އައްޑޫ ސިޓީއަށް މި މަހުގެ 06 ވަނަ ދުވަހު މާލެ އިން ދިޔަ ފުލުހަކު ވެސް ޕޮޓިވްވުމާ ގުޅިގެން ސޯޝަލް މީޑިއާގައި ދެކެވޭ ވާހަކަތަކާއި ގުޅިގެންނެވެ.

ފުލުހުން ބުނީ ކޮވިޑް-19އަށް ޕޮޒިޓިވްވާ ފުލުހުންގެ ކޮންޓެކްޓް ޓްރޭސިންގެ މަސައްކަތް ފުލުހުންގެ ތެރޭގައި ރާވާފައިވާ ހަރުދަނާ އުސޫލުތަކުގެ ތެރެއިން ކުރަމުންދާ ކަމަށެވެ.

އެގޮތުން ފުލުހަކު ކޮވިޑްއަށް ޕޮޒިޓިވް ވެއްޖެ ނަމަ އެކަހެރި ކުރަންޖެހޭ ފަރާތްތައް އެޗްޕީއޭއާ ގުޅިގެން އެކަހެރިކޮށް އަޅަންޖެހޭ ފިޔަވަޅުތައް އަޅަމުންދާ ކަމަށް ފުލުހުން ބުނެއެވެ.

މީގެ އިތުރުން ފުލުހުން ބުނީ ކޮވިޑް އަށް ޕޮޒިޓިވްވާ ވަކިވަކި ފުލުހުންގެ ކޮންޓެކްޓް ޓްރޭސިންއާ ގުޅޭ މައުލޫމާތު ނުވަތަ އެ ފުލުހުން ބައިވެރިވެފައިވާ ބައްދަލުވުންތަކާ ގުޅޭ މައުލޫމާތު މީޑިއާތަކަށް ހާމަ ކުރާނެ ކަމަށެވެ.

ރާއްޖޭގައި ކޮވިޑް-19 ފެތުރެމުންދާ މި ދަނޑިވަޅުގައި ފްރޮޓްލައިންގައި މަސައްކަތް ކުރާ ގިނަ ފުލުހުންތަކެއް އަންނީ މި ބައްޔަށް ޕޮޒިޓިވް ވަމުންނެވެ.