ފާއިތުވި 24 ގަޑިއިރު އިންޑިއާއިން 9,996 މީހުން ކޮވިޑް-19ށް ޕޮޒިޓިވްވެފައިވާއިރު، މިިއީ އިންޑިއާއިން ކޮވިޑް-19 ފެނުނު ފަހުން މިހާތަނަށް އެންމެ ގިނަ ކޭސްތައް ރިކޯޑު ކުރެވުނު ދުވަސްކަމަށް އެޤައުމުގެ ޞިއްޙަތާއި ބެހޭ ވުޒާރާއިން ބުނެފި އެވެ.

އިންޑިއާގެ ޞިއްޙަތާއި ބެހޭ ވުޒާރާއާއި ޙަވަލާދީ އެޤައުމުގެ މީޑިއާތަކުން ރިޕޯޓުކުރާ ގޮތުގައި، އިންޑިއާއިން ފާއިތުވެ ދިޔަ 24 ގަޑީއިރު 9،996 މީހުން ވައިރަސްއަށް ޕޮޒިޓިވްވެ، 2357 މީހުން ވަނީ މަރުވެފަ އެވެ. މިއާއެކު އެޤައުމުގައި ވައިރަސްއަށް ޕޮޒިޓިވްވީ މީހުންގެ އަދަދު ވަނީ 286,579ށް އަރާފަ އެވެ. އަދި ފާއިތުވެގެންދިޔަ 24 ގަޑިއިރު 357 މީހަކު މަރުވެފައިވާކަމަށް އެ ގައުމުގެ ކަމާބެހޭ އިދާރާތަކުން ރިޕޯޓުކޮށްފައިވާއިރު، މިއީ އެންމެ ގިނަ އަދަދަކަށް އިންޑިއާއިން ކޮވިޑް-19 ފެނުނު ފަހުން މީހުން މަރުވި ދުވަހެވެ.

އެއާއިއެކު މަރުވި މީހުންގެ ޖުމުލަ އަދަދު ވަނީ 8،102ށް އަރާފައެވެ. މިހާރުވެސް އެ ޤައުމުގައި 138,069ށް ފަރުވާދެމުން ދާއިރު، ފަރުވާދީގެން 140،979 މީހުން ވަނީ ބަލިން ފަސޭހަވެފަ އެވެ.

އިންޑިއާ އަކީ މުޅި ދުނިޔެއަށް ބަލާއިރު 5 ވަނައަށް އެންމެ ގިނަ މީހުން ޕޮޒިޓިވްވީ ޤައުމެވެ. އިންޑިއާގައި ވައިރަސް ފެތުރެމުންދާ ޒާތައް ބަލާއިރު އެންމެ ގިނަ ޢަދަދަކަށް މީހުން ޕޮޒިޓިވްވެފައި ވަނީ މަހާރާޝްތުރާ، ޓެމިލްނާޑޫ، އަދި ގުޖުރާތު ސްޓޭޓުންނެވެ.

އެންމެ ގިނަ ޢަދަދަކަށް ވައިރަސްއަށް މީހުން ޕޮޒިޓިވްވި މާހާރާޝްތުރާ ސްޓޭޓުން 94،041 އަދި ޓެމިލްނާޑޫ ސްޓޭޓުން 36،541 މީހުން ޕޮޒިޓިވްވެފައި ވެއެވެ. އަދި ވެރިރަށް ނިއު ދިއްލީން 32،810، ގުޖުރާތު ސްޓޭޓުން 21،521، ރާޖެސްތާން ސްޓޭޓުން 11،600 އަދި އުއްތަރު ޕްރަދޭޝުން 11،610 މީހުން ކޮވިޑް-19ށް ޕޮޒިޓިވްވެފައިވާ ކަމަށް އިންޑިއާގެ ހެލްތު މިނިސްޓްރީން ބުނެފައި ވެއެވެ.

އެންމެ ގިނަ އަދަދަކަށް މީހުން މަރުވީ ވެސް މަހާރާޝްތުރާ ސްޓޭޓުންނެވެ. އެ ސްޓޭޓުން 3،438 މީހުން މަރުވެފައި ވާއިރު ދެވަނަޔަށް އެންމެ ގިނަ މީހުން މަރުވެފައި ވަނީ ގުޖުރާތު ސްޓޭޓުންނެވެ. އެއީ 1،347 މީހުންނެވެ. މީގެ އިތުރުން ވެރިރަށް ނިއު ދިއްލީން 984 މީހުން މަރުވެފައި ވާއިރު، މާދްޔާ ޕްރަދޭޝް ސްޓޭޓުން 427 މީހުން އަދި ވެސްޓް ބެންގާލް ސްޓޭޓުން 432 މީހުން ވަނީ މަރުވެފަ އެވެ.