ކުޅުދުއްފުށީ ސިޓީގައި އުމުރުން ހަތަރު އަހަރުގެ އަންހެން ކުއްޖަކު ކުއްލި ގޮތަކަށް ނިޔާވެއްޖެ އެވެ.
ކުޅުއްދުއްފުށި ރީޖަނަލް ހޮސްޕިޓަލުގެ މެނޭޖަރު އަހުމަދު ދާއޫދޫ ރާއްޖެ.އެމްވީ އަށް ވިދާޅުވީ، އެ ކުއްޖާ ހޮސްޕިޓަލަށް ގެންދިޔައީ ހަވީރު 16:30 ހާއިރު ކަމަށެވެ. ގެންދިޔައިރުވެސް ކުއްޖާ ނިޔާވެފައިވާ ކަމަށް އޭނާ ވިދާޅުވި އެވެ. ދާއޫދު ވިދާޅުވީ، ކުއްޖާ ނިޔާވާން ދިމާވި ސަބަބެއް އަދި މިހާތަނަށް އެނގިފައި ނުވާ ކަމަށެވެ.
ނަމަވެސް މިހާރު ޢަމަލު ކުރަމުންދާ އުޞޫލުގެ ދަށުން، ކޮވިޑް-19 އަށް ޓެސްޓު ކުރުމަށް އެ ކުއްޖާގެ ސާމްޕަލް ނަގައި އަންގާރަ ދުވަހުގެރޭ މާލެއަށް ފޮނުވަން ހަމަޖެހިފައިވާ ކަމަށް ދާއޫދު ވިދާޅުވި އެވެ.
