އޮގަސްޓް މަހުގެ 4ގެ ނިޔަލަށް އެމެރިކާއިން 143,360 މީހުން ކޮވިޑް-19 ޖެހިގެން މަރުވާނެކަމަށް އަންދާޒާ ތަކުން ދައްކައިފި އެވެ.

މިމަހުގެ 13 ވަނަ ދުވަހު ހެދުނު އަންދާޒާތަކުގައި އެމެރިކާއިން މި ވައިރަސް ޖެހިގެން މަރުވާނެ ކަމަށް ލަފާކޮށްފައި ވަނީ 147،000 މީހުންނެވެ.

މި މޮޑެލް ހެއްދެވި ހެލްތު މެޓްރިކްސް އެންޑް އިވޭލުއޭޝަންގެ ޑިރެކްޓަރ ޑރ. ކްރިސްޓޮފަރ މުރޭ ވިދާޅުވީ ކުރިން އަންދާޒާ ކުރެވުނު ވަރަށް ވުރެ މިހާރުގެ އަދަދުތައް ތިރިވުމުން ހައިރާން

ވި ކަމަށެވެ.

އޭނާ ވިދާޅުވީ ކުރިން އަންދާޒާ ކުރެވުނީ ވައިރަސް ޖެހިގެން މަރުވާ މީހުންގެ އަދަދު މިއަށް ވުރެ އިތުރުވާނެ ކަމަށެވެ. އެގޮތުން ޕޮޒިޓިވްވަމުންދާ މީހުންގެ އަދަދު އިތުރުވަމުން ދިޔަ ނަމަވެސް، މިހާރު އެމެެރިކާއިން މަރުވާ މީހުންގެ އަދަދު މަދުވާނެ ކަމަށް ލަފާ ކުރެވޭ ކަމަށެވެ.

މުރޭގެ ކުރިީގެ އަންދާޒާތަކުން، އަދަދުތައް އިތުރުވާނެ ކަމަށް ދެއްކީ، އެކަކު އަނެކަކާއި ބައްދަލުވާ މިންވަރު ގިނަވުމުގެ ސަބަބުން ބަލި ފެތުރުމުގެ ފުރުސަތު ބޮޑުވާނެ ކަމަށް ބެލެވުމުން ކަމަށެވެ. މަރުވާނެ ކަމަށް އަންދާޒާ ކުރެވޭ މީހުންގެ އަދަދުތައް މަދުވާނެ ކަމަށް މިހާރު ބެލެވެނީ މާސްކު އަޅާ މިންވަރު އިތުރުވުމާއި މީހުންގެ އުޅުމަށް ބަދަލު އައުމުން ކަމަށެވެ.

ޑރ. ވިދާޅުވީ މިހާރު އަދަދުތައް ތަފާތުވި ނަމަވެސް އެއީ ވަަގުތީ ގޮތުން މަރުވާ މީހުން އަދަދު މަޑުޖެހިލުން ކަމަށް ވުމަކީ އެކަށީގެންވާ ކަމެއް ކަމަށެވެ. އަދި މި ނަމްބަރުތަކަށް ބަދަލު އަންނަނީ މީހުންގެ އަމަލުތައް ހުންނަ ގޮތުން ކަމަށެވެ.

އެމެރިކާއިން މިހާތަނަށް ކޮވިޑް-19 ޖެހިގެން މަރުވެފައި ވަނީ 91,981 މީހުންނެވެ.