ޗައިނާއިން އިސްރާއީލަށް ކަނޑައަޅާފައި ހުންނަވާ ސަފީރު ޑޫ ވޭއި ނިޔާވެއްޖެ އެވެ.
އިސްރާއީލުގެ ފުލުހުންގެ ތަރުޖަމާނާއި ހަވާލާދީ ބައިނަލްއަޤުވާމީ މީޑިއާތަކުން ރިޕޯޓު ކުރާ ގޮތުގައި، އުމުރުން 57 އަހަރުގެ ސަފީރު ނިޔާވީ ގުދުރަތީ މަރަކުންނެވެ.
ސަފީރުގެ ހަށިގަނޑު ފެނިފައިވަނީ ދިރިއުޅުއްވާ ގެއިންނެވެ.
ޗައިނާއިން އިސްރާއީލަށް ކަނޑައަޅާފައި ހުންނަވާ ސަފީރުގެ މަޤާމަށް ޑޫ ވޭއި އައްޔަނުކުރީ މި އަހަރުގެ ފެބްރުއަރީ މަހުގެ ތެރޭގައެވެ.
ރިޕޯޓުތައް ބުނާގޮތުން ސަފީރު ނިޔާވެފައިވަނީ ނިދިކުރައްވާފައި އޮންނަވަނިކޮށެވެ.
