ސްރީލަންކާގެ ރައީސް ގޯޓާބޭ ރާޖަޕަކްސަގެ ތިން މަހުގެ މުސާރާ ކޮވިޑް-19 ފަންޑަށް ހަދިޔާ ކުރައްވައިފި އެވެ.

ކޮވިޑް-19 އާ ދެކޮޅަށް ލަންކާއިން ކުރަމުންދާ މަސައްކަތަށް ފައިސާ ހޯދުމުގެ ގޮތުން ކޮވިޑް-19 ހެލްތު ކެއަރ އެންޑް ޝޯޝަލް ސެކިއުރިޓީ ފަންޑަށް ރައީސް ރާޖަޕަކްސަ ވަނީ އެމަނިކުފާނުގެ ތިން މަހުގެ މުސާރައަށް ވާ 292,500 (24,142.16 ރ.) ލަންކާ ރުޕީސް ހަދިޔާ ކުރައްވާފަ އެވެ.

ކުންފުނިތަކާއި އަމިއްލަ ފަރާތްތަކާއެކު އެ ފަންޑަށް އެއް ބިލިއަނަށްވުރެ ގިނަ ރުޕީސްގެ ފައިސާ ވަނީ އެ ފަންޑަށް ލިބިފަ އެވެ. މި ފަންޑަށް ލަންކާގެ ރައްޔިތުންގެ އިތުރުން ބޭރު މީހުންނަށްވެސް ފައިސާ ހަދިޔާ ކުރެވޭނެ އެވެ.

ސްރީލަންކާގެ 935 މީހަކު ވަނީ ކޮވިޑް-19 އަށް ޕޮޒިޓިވް ވެފައެވެ. އޭގެ ތެރެއިން ނުވަ މީހަކު ވަނީ ބަލި ޖެހިގެން މަރުވެފައެވެ. މިހާތަނަށް 477 މީހަކު ވަނީ މި ބަލިން ފަސޭހަ ވެފައެވެ.