ސާފުނުކުރާ ތެޔޮ ފީފާއެއްގެ އަގު ތިން އިންސައްތަ ދަށްވެއްޖެ އެވެ.

ތެލުގެ އަގު މިހާ ބޮޑަށް ދަށްވެގެން ދިޔައީ ކޮވިޑް-19އާ ގުޅިގެން ދުނިޔޭގެ ގައުމުތަކުން ލޮކްޑައުންގެ ހާތަށް ގޮސް ތެލަށް އޮތް ޑިމާންޑް ބޮޑުތަނުން ކުޑަވެފައިވާތީ އެވެ.

މީޑިއާތަކުގައި ރިޕޯޓުކޮށްފައިވާ ގޮތުގައި އެމެރިކާގައި ބްރެންޓް ތެޔޮ ފީފާއެއްގެ އަގުވަނީ 29.12 ޑޮލަރުން 28.92 ޑޮލަރަށް ވެއްޓިފަ އެވެ. އަދި ވެސްޓް ޓެކްސަސް އިންޓަމީޑިއޭޓްގައި ތެޔޮ ފިފާއެއްގެ އަގު ތިން އިންސައްތަ އަށް ދަށްވެ، އަގުތައް ވަނީ 25.00 ޑޮލަރަށް ވެއްޓިފަ އެވެ.

އެމެރިކާގެ އެނަރޖީ އިންފޮމޭޝަން އެޑްމިނިސްޓްރޭޝަނުން ލަފާކުރާ ގޮތުގައި ދުނިޔޭގެ ތެލުގެ ޑިމާންޑަށް އައިސްފައިވާ ބަދަލުގެ ސަބަބުން ދުވާލަކަށް އުފައްދާ ތެޔޮ ފިފާގެ އަދަދު ވަނީ 8.1 މިލިއަން ފީފާ މެދުވެފަ އެވެ. އަދި މިއީ ކުރިން މި އަދަދު މަދުވާނެ ކަމަށް ލަފާ ކޮށްފައިވާ 5.2 މިލިއަން އަށް ވުރެ ބޮޑު އަދަދެއްކަން ފާހަގަކޮށްލަން ޖެހެެ އެވެ.

މީގެ އިތުރުން އެންމެ ބޮޑަށް ތެޔޮ އުފައްދާ އެއް ގައުމު ކަމުގައިވާ ސައުދީ އަރަބިއްޔާގެ ކެބިނެޓުން ވެސް ވަނީ ތެޔޮ އުފައްދާ އޯޕެކްގެ ގައުމުތަކުން ތެޔޮ އުފައްދާ ނިސްބަތް މަދުކޮށް، ތެލުގެ މާކެޓްގެ ބެލެންސް ކުރުމަށް އެދިފަ އެވެ. ސައުދީ އަރަބިއްޔާއިން ވަނީ އެގައުމުން އުފައްދާ ތެލުގެ ނިސްބަތުން އެއް މިލިއަން ފީފާ މަދުކުރުމަށް ނިންމާފަ އެވެ.