ލީބިއާގެ ހަނގުރާމަވެރި ޖަމާއަތަކުން އެގައުމުގެ މިޓިގަރ އިންޓަނޭޝަން އެއާޕޯޓަށް ހަމަލާތަކެއްދީފިއެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި ލީބިއަން ނޭޝަނަލް އަރމީ ކޮމާންޑަރު ހަލީފާ ހަފްތާރު ވާގިވެދޭ މިޖަމާއަތުން މިހަމަލާ ދީފައިވަނީ ރޮކެޓްތަކެއް ބޭނުން ކޮށްގެންނެވެ.
މިޓިގަރ އިންޓަނޭޝަނަލް އެއާޕޯޓަކީ ލީބިއާގެ ޓްރިޕޮލީގައި އޮތް ހަމައެކަނި ބޭނުން ކުރެވޭ އެއާޕޯޓެވެ.
ހަފްތާރަށް ވާގިވެރިވެދޭ ޖަމާއަތްތަކުން ދަނީ ކެނޑިނޭޅި ޓްރިޕޮލީ އެމީހުންގެ ބާރުގެ ދަށަށް ގެނައުމަށް މަސައްކަތް ކުރަމުންނެވެ.
ރިޕޯޓުތައް ބުނާ ގޮތުން މިހަމަލާގައި އެއްވެސް މީހަކު މަރުވެ، ޒަހަމް ވެފައެއްނުވެއެވެ. އަދި މިހަމަލާގައި އެއާޕޯޓުގައި ހުރި ތެޔޮ ޓޭންކަރުތަކެއް ގޮވާފައިވާ ކަމަށެވެ.
