ޗައިނާ ނޫސްވެރިންނަށް އެމެރިކާއަށް އެތެރެވުމަށް އިތުރު އުނދަގޫތަކެއް ކުރިމަތިވެފައިވާ ކަމަށް ރިޕޯޓުކޮށްފިއެވެ.

އަލްޖަޒީރާގައި ރިޕޯޓުކޮށްފައިވާ ގޮތުގައި ޗައިނާ ނޫސްވެރިންނަށް އެމެރިކާއަށް އެތެރެވުމަށް އުނދަގޫވާ ގޮތަށް އެމެރިކާއިން ވަނީ އިތުރު ވިސާގެ ގައިޑްލައިނެއް ނެރިފައެވެ. އެމެރިކާއިން ނެރިފައިވާ އާ ގައިޑްލައިން އަންނަ ހޯމަ ދުވަހު ތަންފީޒު ކުރާނެ ކަމަށް ރިޕޯޓުތަކުން ބުނެއެވެ.

އެމެރިކާގެ ޑިޕާޓްމެންޓް އޮފް ހޯމް ލޭންޑް ސެކިއުރިޓީން ބުނީ މިކަން މިގޮތަށް ކުރީ ޗައިނާއިން ވެސް ނޫސްވެރިންނާ ދެކޮޅަށް އެޤައުމުގައި އަޅާ ފިޔަވަޅުތަކާ ދެކޮޅަށްކަމަށާއި ޗައިނާއިން މިނިވަން ނޫސްވެރިކަމާ ދެކޮޅަށް ގިނަ ފިޔަވަޅުތަކެއް އަޅާފައިވާ ކަމަށެވެ.

އެގޮތުން މިދިޔަ މާރޗްމަހު ޗައިނާއިން ވަނީ އެމެރިކާގެ ނޫސްވެރިންގެ ތަކެއް ޗައިނާއިން ބޭރުކޮށްފައެވެ. ކޮވިޑް-19އާ ގުޅިގެން ޗައިނާ އާއި އެމެރިކާއާއި ދެގައުމުގެ ދެމެދުގައި ބަހުގެ ހޫނު ޙަމަލާތަކެއް ވަނީ ބަދަލުކޮށްފައެވެ.