ސައުތު ކޮރެއާގެ ނައިޓް ކްލަބްތަކަށް ދިޔަ މީހެއް ފަރާތުން ކޮވިޑް-19 ފެތުރުމުގެ ބިރު ބޮޑުވެފައިވާ ކަަމަށް ރިޕޯޓުތަކުން ބުނެފިއެވެ.
ރިޕޯޓުތައް ބުނާ ގޮތުން، ސައުތު ކޮރެއާގެ ސޯލްގެ 2100ށްވުރެ ގިނަ ނައިޓް ކްލަބްތަކާއި ބާރތައް ބަންދު ކުރުމަށް އެސިޓީއަށް ސަރުކާރުން ވަނީ އަންގާފައެވެ.
މިތަންތަން ބަންދު ކުރަންޖެހުނީ ނައިޓް ކްލަބްތަކަށް ދިޔަ 29 އަހަރުގެ ޒުވާނެއް ކޮވިޑް-19އަށް ޕޮޒިޓިވްވެފައިވާތީއެވެ. އަދި އެމީހާގެ ފަރާތުން 18 މީހަކު ވައިރަސްއަށް ޕޮޒިޓިވްވެފައިވެއެވެ.
މިމީހާ ގޮސްފައިވާ ނައިޓް ކްލަބްތައް ހުރި ސޯލްގެ އިޓޭވުން ސަރަހައްދުގައި ދިރިއުޅޭ މީހުން ވަނީ ފިޒިކަލް ޑިސްޓެންސް ގައިޑްލައިންތައް އަމަލުނުކޮށް ދޫކޮށްލާފައެވެ.
ޕްރައިމް މިނިސްޓަރު ޗަންގު ސްޔޭ ކިއުން ވިދާޅުވީ އިތުރަށް ވައިރަސް ފެތުރު ކޮންޓްރޯލް ކުރުމަށް އަޅަންޖެހޭ ހުރިހާ ފިޔަވަޅުތަކެއް އަޅަމުން ގެންދާނެ ކަމަށެވެ.
