ސައުދީ އަރަބިއްޔާގައި ރޮބަޓް ބޭނުން ކޮށްގެން ކޮވިޑް-19ގެ ޕޭޝަންޓުންނަށް ފަރުވާ ދޭން ފަށައިފިއެވެ.
އަލް އަރަބިއްޔާގައި ރިޕޯޓު ކޮށްފައިވާ ގޮތުގައި، ސައުދީ އަރަބިއްޔާ ކިންގް ސަލްމާން ހޮސްޕިޓަލްގައި ޑރ.ބީޓޫ ނަމަކަށް ކިޔާ ރޮބަޓެއް ބޭނުން ކޮށްގެން ކޮވިޑް-19ގެ ޕޭޝަންޓުން ފަރުވާ ދޭން ފަށާފައިވާ ކަމަށެވެ.
އެގޮތުން މިރޮބޮޓް ބޭނުން ކުރުމުގެ ސަބަބުން މެޑިކަލް ސްޓާފުން ޕާސަނަލް ޕްރޮޓެކްޓިވް އެކިއުޕްމެންޓް ( ޕީޕީއީ ) އަޅާގެން ޕޭޝަންޓު ކައިރިއަށް ނުގޮސް ޕޭޝަންޓުންނަށް ބޭނުންވާ ބައެއް ފަރުވާތައް ދެވޭނެއެވެ. އަދި މިރޮބޮޓްގެ އެހީގައި ޕޭޝަންޓުންގެ ކަންކަން ރޮބަޓްގައި ހުންނަ ކެމެރާތަކުގެ އެހީގައި ޑޮކްޓަރުންނަށް ދުރުގައި ތިބެގެން ބަލާލެވޭނެއެވެ.
މިކަމުގެ ސަބަބުން ހޮސްޕިޓަލްގެ މެޑިކަލް ސްޓާފުން ޕޭޝަންޓުންނާއި ޑައިރެކްޓް ކޮންޓެކްޓުވުން ވަރަށް ބޮޑަށް މަދުކުރެވިގެންދާނެ ކަމަށް ސަލްމާން ހޮސްޕިޓަލުން ބުނެއެވެ.
