ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒް ކޯޓް އަމުރެއްގެ ދަށުން ފުލުހުންގެ ބެލުމުގެ ދަށަށް ގެންގޮސް، ފޯން އަތުލުމަށް ފަހު ދޫކޮށްލައިފި އެވެ.
ރިޔާޒް އަކީ ޖުމްހޫރީ ޕާޓީގެ ނައިބް ލީޑަރު އެވެ. އަދި އެއީ ކުރީގެ ކޮމިޝަނަރ އޮފް ޕޮލިސް އެވެ.
އަބްދުﷲ ރިޔާޒު ހައްޔަރުކުރީ އޭނާ ދިރިއުޅޭ ގެއިން ނިކުމެ ވަޑައިގެން ކުނޫޒްގައި އޮތް އިދިކޮޅު ފަރާތްތަކުގެ ބައްދަލުވުމަށް ވަޑައިގަންނަވަނިކޮށް މާވެޔޮ މަގުން ކަމަށްވެސް މައުލޫމާތު ލިބެ އެވެ.
ރިޔާޒު ހައްޔަރު ކުރި ސަބަބާ ބެހޭ ގޮތުން ފުލުހުން ބުނެފައިވަނީ ހައްޔަރު ކުރީ ބަލަމުންދާ މައްސަލައަކާ ގުޅިގެން ކަމަށެވެ.
ރިޔާޒް ހައްޔަރު ކުރުމާ ގުޅޭ ގޮތުން މިހާރު އިނގިރޭސިވިލާތުގައި ދިރިއުޅުއްވަމުން ގެންދަވާ ޖުމްހޫރީ ޕާޓީގެ އަނެއް ޑެޕިއުޓީ ލީޑަރު އަމީން އިބްރާހިމް ވިދާޅުވީ، "ވަގުތު ބަލާފައި ތި ކުރައްވަން އުޅުއްވަނީ އެހެން ކަމެއް" ކަމުގައެވެ.
އަމީން ވިދާޅުވީ. ޑރ. އަފްރާޝީމް އަވަހާރަ ކޮށްލުމާ ބެހޭ ގޮތުން ހަގީގަތް އެނގޭ މީހަކު ހުރި ނަމަ، އެމީހަކަށް މި ސަރުކާރުން ކަންކުރާ ގޮތް ރައްޔިތުންނަށް އެނގޭ ކަމަށެވެ.
Dr.Afrasheemge shaheedhge hageegaiy engey meehaku hurinama emeehakah misarukaarun kankuraagoiy rayyithunnah engey. 2/3
— Ameen Ibrahim (@ameenmaldives) March 27, 2017
ރިޔާޒް އަކީ ޑރ. އަފްރާޝީމް އަވަހާރަކޮށްލި ހާދިސާ ހިނގިއިރު ކަމިޝަނަރ އޮފް ޕޮލިސްގެ މަގާމުގައި ހުންނެވި ފަރާތެވެ. ޑރ. އަފްރާޝީމްގެ މަރުގެ ތަހުގީގު ހިންގާފައިވަނީ އަބްދުﷲ ރިޔާޒުގެ ބެލުމުގެ ދަށުން ކަން ފާހަގަ ކުރެވެއެވެ.
