ތުރުކީގެ ފަރުބަދަމަތީ ސަރަހައްދެއްގައި ހިނގި ގަނޑުފެން ފޭބުމުގެ (އެވަލާންޗް) ހާދިސާއަކާއި ގުޅިގެން ގިނަ އަދަދެއް ބަޔަކު މަރުވެއްޖެއެވެ.

ބީބީސީގައި ރިޕޯޓުކޮށްފައިވާ ގޮތުގައި މި ހާދިސާ ހިނގީ އަންގާރަ ދުވަހުއެވެ. އަދި މި ހާދިސާގައި ފަސް މީހުން މަރުވެފައިވާއިރު، ގިނަ އަދަދެއްގެ ބަޔަކު ވަނީ ސްނޯތަކުގެ އަޑީގައި ވަޅުލެވިފައެވެ.

އެމީހުން ސަލާމަތްކުރުމަށް 300 މީހުން އެސަރަހައްދަށް ގޮސް މަސައްކަތުގައި އުޅެނިކޮށް ދެވަނަ އެވަލާންޗެއް ބުދަ ދުވަހު ވަނީ ހިނގާފައެވެ. އަދި މިހާދިސާގައި 50 އަށްވުރެ ގިނަ މީހުން ސްނޯގަނޑުގެ ތެރޭގައި ތާށިވެފައިވާ ކަމަށް ރިޕޯޓުކޮށްފައެވެ.

ބީބީސީގައި ރިޕޯޓުކޮށްފައިވާ ގޮތުގައި މި ދެ ހާދިސާގައި ޖުމްލަ 38 މީހުން ވަނީ މަރުވެފައެވެ.

ތުުރުކީގެ ވޭން ޕްރޮވިންސްގެ ގަވަރުނަރާއި ހަވާލާދީ ބީބީސީން ބުނެފައިވަނީ މަރުވި މީހުންގެ ތެރޭގައި ޕޮލިހުންނާއި، ސެކިއުރިޓީ ގަރޑުން، ފަޔަރ ފައިޓަރުންނާއި، އާންމު ރައްޔިތުން ހިމެނޭ ކަމަށެވެ.

ތުރިކީގެ ވެރިރަށް އަންކާރައިން މިލިޓަރީން މިހާރު ދަނީ އެސަރަހައްދުން މީހުން ސަލާމަތްކުރުމުގެ ކުރުމުގެ މަސައްކަތް ކުރަމުންނެވެ.