ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އާއި ސައުދި އަރަބިއަން ފުޓުބޯލް ފެޑަރޭޝަނާއި ދެމެދު އެއްބަސްވުމެއްގައި ސޮއި ކޮށްފިއެވެ.
ސައުދި އަރަބިއްޔާގެ ފުޓުބޯޅަ ފެޑަރޭޝަނުގައި އަންގާރަ ދުވަހު ބޭއްވި ރަސްމިއްޔާތެއްގައި ރާއްޖޭގެ ފަރާތުން މި އެއްބަސްވުމުގައި ސޮއި ކުރެއްވީ އެފްއޭއެމްގެ ރައީސް ބައްސާމް އަދީލް ޖަލީލްއެވެ. އަދި ސައުދީ ފުޓުބޯޅަ ފެޑަރޭޝަންގެ ފަރާތުން މި އެއްބަސްވުމުގައި ސޮއި ކުރެއްވީ ޖެނެރަލް ސެކެޓްރީ އިބްރާހީމް އަލް ކާސިމްއެވެ.
މި އެއްބަސްމުގެ ދަށުން އެފްއޭއެމްއާއި ސައުދީ ފުޓުބޯޅަ ފެޑަރޭޝަނުން ވަނީ ދެގައުމުގެ ދޭތެރޭ ފުޓުބޯޅަ އިތުރަށް ތަރައްގީ ކުރުމަށް މަސައްކަތްކުރުމަށް އެއްބަސްވެފައެވެ.
