ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު އީވާ އަބްދުﷲ އަށް ވައިބަރ މެދުވެރިކޮށް އިންޒާރުގެ މެސެޖްތަކެއް ފޮނުވަން ފަށައިފިއެވެ.
މެސެޖްތަކުގެ ސްކްރީން ޕްރިންޓާއިއެކު އީވާ ކުރެއްވި ޓްވިޓެއްގައި ވިދާޅުވީ އެއީ ދަރިންނާއި ގުޅުވައިގެން ދީފައިވާ އިންޒާރެއް ކަމަށެވެ.
އަދި އެ މެސެޖްތައް އައިސްފައި މިވަނީ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ ވޯޓްގެ ކަންކަމަށް ކުޑަދުވަސްކޮޅަކަށް ވެފައި ވަނިކޮށްކަމަށްވެސް އީވާ ވިދާޅުވިއެވެ.
Few days before voting on no confidence motion against the Speaker, and the threats intensify. This one threatens my child. pic.twitter.com/qn6N9A2l85
— Eva Abdulla (@evattey) March 21, 2017
އީވާގެ ޓްވިޓާއި ގުޅިގެން މަޖިލީހުގެ ކުރީގެ ރައީސް އަދި ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ވިދާޅުވީ ދަރިންނާއި އާއިލާއާއި ގުޅުވައިގެން އިންޒާރުތައް ދިނުމަކީ "ހުދުމުޚްތާރު ވެރިން" ނޫނީ ކުރާނެ ކަންތައްތަކެއް ނޫން ކަމުގައެވެ.
Threats of violence against families and kids now. Nothing less in a Dictatorship! @IPUparliament @USEmbSL @UKinMaldives @UNHumanRights https://t.co/M3N4LO8F4T
— Abdulla Shahid (@abdulla_shahid) March 21, 2017
މި އިންޒާރުގެ މެސެޖްތަކާ ގުޅޭ ގޮތުން ރައްޔިތުންގެ މަޖިލީހުން އަދި ކަމާބެހޭ އެހެން މުއައްސަސާއަކުން ވެސް ބަހެއް ބުނެފައެއް ނެތެވެ.
