ކްލަބް ގްރީންސް ސްޓްރީޓްސްއަށް މި ސީޒަނުގައި އަލަށް ގުޅުނު އަލީ އަޝްފާގް (ދަނގަޑޭ) އަލުން އޭނާގެ ކުރީގެ ކްލަބް ޓީސީ ސްޕޯޓްސް ކްލަބަށް ބަދަލުވެއްޖެއެވެ.
ދަގަނޑޭ ޓީސީއާއިއެކު ހުކުރު ދުވަހު އެއްބަސްވުމަކަށް އައިސްފައިވާއިރު ހުކުރު ދުވަހު ހަވީރު ބޭއްވި އެކްލަބްގެ ޕްރެކްޓިހުގައިވެސް ދަގަނޑޭ ވަނީ ބައިވެރިވެފައެވެ.
މި ފަހަރުގެ ޓްރާންސްފަރ މާކެޓްގައި ޓީސީއިން އެ ކްލަބްގެ ސްކޮޑް ވަރުގަދަކުރަމުން އަންނައިރު އެކްލަބުން ވަނީ މި ޓްރާންސްފަރ މާކެޓްގައި ފޯކައިދޫގެ ތިން ކުޅުންތެރިޔެއްގެ ސޮއި ހޯދައިފައެވެ. އެގޮތުން އެ ކްލަބްގެ ޕާކިސްތާން ކީޕަރު ސާގިބާއި މިސްރުގެ ޑިފެންޑަރ މަހުމޫދު ސައީދާއި ޑިފެންޑަރ އަލީ ޝާމިސް (ތޮއްޕޭ) ގެ ސޮއި ހޯދައިފައެވެ. މި ތިން ކުޅުންތެރިންވެސް ޓީސީ އެންމެ ފަހުން ކުޅުނު މެޗުގައި ކުޅެފައިވެއެވެ.
އުމުރުން 16 އަހަރުގައި ވެލެންސިއާއިން ކެރިޔަރު ފެށި ދަގަނޑޭ ކުޅުނު ފުރަތަމަ މުބާރާތުގައިވެސް އޭނާ ވަނީ ރަން މެޑައްޔެއް ކާމިޔާބުކޮށްފައެވެ.
މި ސީޒަނުގައި ގްރީންއަށް ބަދަލުވުމަށްފަހު ދަގަނޑޭ ވަނީ އެޓީމަށް މިހާތަނަށް 15 ލަނޑު ކާމިޔާބުކޮށްދީފައެވެ. ދަގަނޑޭ ޓީސީއަށް ބަދަލުވީ ގްރީންއިން އޭނާއަށް ރިލީޒް ދިނުމުންނެވެ. މި ނިންމުމަށް ޓީސީއިން ވަނީ ގްރީންއަށް މަރުހަބާ ކިޔައިފައެވެ.
ޓީސީއިން މި ޓްރާންސްފަރ މާކެޓްގައި އެޓީމުގެ ސްކޮޑް ވަރުގަދަ ކުރަމުން މިދަނީ އޭއެފްސީ ކަޕަށް ތައްޔާރުވުމުގެ ގޮތުންނެވެ. އެގޮތުން ޓީސީގެ ކޯޗުކަމާއި ހަވާލުވުމަށްފަހު ޝާޒްލީ ބުނީ އޭނާ އަށް ޓީސީގެ ހާލަތު ވަރަށް ރަނގަޅަށް އިނގޭ
ކަމަށާއި އޭނާގެ އަމަޒަކީ އަންނަ އަހަރު އޮންނަ އޭއެފްސީ ކަޕްގައި ޓީސީ އަށް ރަނގަޅު ނަތީޖާ އެއް ނެރެދިނުން ކަމަށެވެ
