އެންމެ އަވަހަށް 200 މިލިއަން މީހުން ޔޫޓިއުބް މެދުވެރިކޮށް ބެލި ވީޑިއޯގެ ރިކޯޑް "ފިލްހާލް" ލަވައަށް ލިބިއްޖެއެވެ.
ބޮލީވުޑްގެ ކާމިޔާބު އެކްޓަރު އަކްޝޭ ކުމާރު ފެނިގެންދާ "ފިލްހާލް" ލަވަ ރިލީޒް ކުރުމާއެކު ލަވަ އަށް ބެލުންތެރިންގެ ބޮޑު ތަރުހީބެއް ވަނީ ލިބިފައެވެ.
އަރްވިންދު ކައިރާ ޑައިރެކްޓްކޮށްފައިވާ އެ ލަވަ ރިލީޒްކުރީ ނޮވެމްބަރު ނުވަވަނަ ދުވަހުއެވެ. "ފިލްހާލް" ލަވަ އިން ފެންނަނީ އެކި ސަބަބުތަކާ ހެދި ދެ ލޯބިވެރިން ދުރުވާ ތަނެވެ. ނަމަވެސް އެ ކަންކަމުގެ ސަބަބުން އެކަކު އަނެކަކަށްޓަކައި ހިތުގައި ޖަހަމުންދާ ދެމީހުންގެ ވިންދަށް ކުޑަވެސް ބަދަލެއް ނާންކަން ލަވައިން ހާމަކޮށްދެއެވެ.
އަކްޝޭ އާއި އެކު ބަތަލާ އަކަށް އެ ލަވައިގައި ހަރަކާތްތެރިވަނީ ނުޕޫރް ސަނޯން އެވެ.
"ފިލްހާލް" ގެ މިއުޒިކް ތައްޔާރުކޮށްދީ، އެ ލަވަ ބީ ޕްރާކްގެ އަޑުން ކިޔާފައިވާއިރު އެ ލަވައިގެ ލިރިކްސް ހަދާފައިވަނީ ޖާނީއެވެ.
