ދީނީ އިލްމުގެ އިތުރުން ސައިންސާއި ޓެކްނޮލޮޖީއަށްވެސް މުސްލިމުން އަހުލުވެރިވާންޖެހޭ ކަމަށް ހުކުރު ޚުތުބާގައި ބުނެފިއެވެ.
"އިލްމު އުނގެނުމުގެ މާތްކަން" މި މައުޟޫގެ މައްޗަށް ބިނާކޮށްފައިވާ ޚުތުބާގައި ބުނީ، ދީނީ އިލްމުގެ އިތުރުން ސައިންސާއި ޓެކްނޮލޮޖީއަށްވެސް މިއަދު މުސްލިމުން އަހުލުވެރިވާންޖެހޭ ކަމަށާއި، އެފަދަ ދިރާސާތަކާ ގުޅޭ އެކަޑަމީތައް ހަދައި އެކި ރޮނގު ރޮނގުން މުސްލިމުން ދިރާސާތައް ހަދަންޖެހޭ ކަމަށެވެ.
މާތް ނަބިއްޔާގެ ސުންނަތުގައި ބާރުއަޅުއްވާފައިވާ ފަދައިން މިއަދު މުސްލިމުން ދީނީ އިލްމާއި، ސައިންސާއި، ޓެކްނޮލޮޖީއަށްވެސް އަހުލުވެރިވާން ޖެހެއެވެ. ބޭސްވެރިކަމާއި، އެކި ދާއިރާތަކުގެ ދިރާސާތަކަށް ޚާއްސަ އެކަޑަމީތައް އުފައްދައި ދިރާސާތައް ފަށަން ޖެހިއްޖެއެވެ. މިއަދު ދުނިޔޭގެ ޤައުމުތަކާއެކު ފައިތިލަ ސާބިތުކުރެވޭނީ ދުންޔަވީ އިލްމުގައިވެސް ކުރިއަރައިގެންނެވެ.ހުކުރު ޚުތުބާ
ޚުތުބާގައި އިތުރަށް ބުނީ، އިސްލާމް ދީނުގައި އިލްމު އުނގެނުމަށް ވަރަށް ބޮޑަށް ބާރުއަޅާ ކަމަށާއި، އިިލްމު އުނގަންނައި ދިނުމަށްވެސް ވަރަށް ބޮޑު އަހައްމިއްޔަތުކަމެއް ދެއްވާ ކަމަށެވެ. އެގޮތުން ބަދުރު ހަނގުރާމައިގެ އަސީރުންގެ ފިދްޔާއަކަށް މަދިނާގެ 10 މީހަކަށް ލިޔަން ކިޔަން ދަސްކޮށްދިނުމަށް ރަސޫލާ ހަމަޖެއްސެވުމަކީ އޭގެ މިސާލެއް ކަމަށް ޚުތުބާގައި ބުނެފައިވެއެވެ.
ޚުތުބާގައި އިތުރަށް ބުނީ، މުޅި ދުނިޔޭގައި އިސްލާމީ ހަޟާރަތް ފެތުރިގެން ދިއުމުގެ އަސްލަކީވެސް އިސްލާމް ދީީނުގައި އިލްމަށް ދެއްވާފައިވާ ސަމާލުކަން ކަމަށެވެ. އެގޮތުން ހިސާބު އިލްމާއި، ޖިއޮގްރަފީއާއި، އިމާރަތް ކުރުމުގެ ފަންނާއި، ބޭސްވެރިކަމާއި ފަލަކީ އިލްމު ފަދަ އިލްމުތަކުގައި މުސްލިމުން އާ އީޖާދުތައް އުފައްދައި ކުރިއަރައިގެން ދިޔަ ސަބަބަކީވެސް އިލްމު އުނގެނުމަށްދޭ އަހައްމިއްޔަތުކަން ކަމަށް ޚުތުބާގައި ބުނެފައިވެއެވެ.
