ވޭތުވެ ދިޔަ ދުވަސްތަކުގައި ފުލުހުންގެ މައްޗަށް ނުފޫޒު ފޯރުވާފައިވާ ކަމަށާއި، ނުފޫޒުން އެއްކިބާކޮށް، ފުލުހުންގެ މައްޗަށް އޮތް އިތުުބާރު ޤާއިމު ކުރުމަށް ސަރުކާރުން ގިނަ މަސައްކަތްތަކެއް ކުރާ ކަމަށް ހޯމް މިނިސްޓަރ ޝެއިޙް އިމްރާން އަބްދުﷲ ވިދާޅުވެއްޖެއެވެ.

ފުލުހުންގެ ޚިދުމަތަށް 86 އަހަރު ފުރުން ފާހަގަ ކުރުމަށް ހުކުރު ދުވަހުގެ ރޭ ބޭއްވި ޖަލްސާގައި މިނިސްޓަރ އިމްރާން ވިދާޅުވީ، ވޭތުވެ ދިޔަ ދުވަސްތަކުގައި ފުލުހުންގެ މަސައްކަތްތަަކަށް ފޯރާފައިވާ ނުފޫޒުގެ ސަބަބުން ފުލުހުންގެ ބަދަހި ސަފުތަކަށް އަސަރު ކޮށްފައިވާ ކަމަށާއި، ދިވެހި ފުލުހުންގެ މައްޗަށް އޮތް އިތުބާރާއި އިހުތިރާމް ހޯދައިދިނުމަށް މި ސަރުކާރުން ބޮޑެތި މަސައްކަތްތަކެއް ކުރަމުންދާ ކަމަށެވެ.

"ޤަބޫލުކުރަންޖެހޭ ހަޤީޤަތަކީ ވޭތުވެ ދިޔަ ދުވަސްތަކުގައި ފުލުހުންނާ ކުރިމަތިވެފައިވާ ގިނަ ކަންކަމަށް ފޯރާފައިވާ ނުފޫޒުތަކުގެ ސަބަބުން ދިވެހި ފުލުހުންގެ ބަދަހި ސަފުތަކަށް ކޮޮންމެެވެސް ވަރެއްގެ އަސަރުތަކެއް ކުރުވާފައިވާކަނ،ް މި ނުރައްކާތެރިކަމުން އަރައިގަނެ، ދިވެހި ފުލުހުން ކުރިއަށް ދިއުމަށްޓަކައި ދިވެހި ލޮބުވެތި ރައްޔިތުންނާ ސަރުކާރާ، ފުލުހުން ގުޅިގެން ގިނަ މަސައްކަތްތަކެއް ކުރަންޖެހޭ، އަދި މިއަދުގެ ސަރުކާރުން މި މަސައްކަތާ ހަވާލުވީއްސުރެ ދިވެހި ފުލުހުންނަށް، ދިވެހި ފުލުހުންގެ އިހުތިރާމާއި އިތުބާރު ރައްޔިތުންނަށް ހޯދައިދިނުމަށްޓަކައި ބޮޑެތި މަސައްކަތްތަކެއް ދަނީ ކުރެވެމުން،" އިމްރާން ވިދާޅުވިއެވެ.  

ފުލުހުންނާއި ހަވާލު ކުރެވިފައި ވަނީ ވަަރަށް ބޮޑު ޒިންމާއެއް ކަމަށާއި، އެ ޒިންމާތައް އަދާ ކުރުމުގައި ފުލުހުން ދައްކާ ސާބިތު ކަމަށް އިހުތިރާމް ކުރައްވާ ކަމަށް ވެސް އިމްރާން ވިދާޅުވި އެވެ. 

"ދިވެހި ލޮބުުވެތި ފުލުހުން، ތިޔަ ބޭފުޅުންނަކީ ތިޔަ ބޭފުޅުންގެ މި މުއައްސަސާގައި ވަރަށް ގިނަ ޤާނޫނީ ބޮޑެތި ޒިންމާތަކެއް އަދާކުރަންޖެހޭ ފަރާތްތަކެއް، ތިޔަ ބޭފުޅުންގެ މަސްއޫލިއްޔަތު އަދާ ކުރުމަކީ ގޮޮންޖެހުންތަކާ، ދަތިތަކާ، އުނދަގޫ ބޮޑު މަސައްކަތެއް، ތިޔަ ބޭފުޅުންނަށް ހަވާލުކުރެވިފައިވާ ޤާނޫނީ ޒިންމާތައް އަދާ ކުރުމުގައި ދެމިތިބުމަކީ ދަތި އުނދަގޫ ކަމެއް، އެހެން ނަމަވެސް ތިޔަ ބޭފުޅުންނަށް ހަވާލުކުރެވިފައިވާ ޒިންމާތައް އަދާ ކުރުމުގައި ދައްކަވަމުން ގެންދަވާ ސާބިިތު ކަމަކީ ހިތުގެ އަޑިން ބަލައިގަންނަ، އިހުތިރާމް ކުރާ ކަމެއް،" މިނިސްޓަރ އިިމްރާން ވިިދާޅުވިއެވެ. 

މިނިސްޓަރު ވިދާޅުވީ ބޮޑެތި ކުށްތައްކޮށް، މުޖުތަމައުގައި ޖަރީމާތައް ހިންގައި، ރައްޔިތުންނަށް ގެއްލުންދެނިވި ކަންކަމަށް އަރައިގަންނަ ފަރާތްތައް އިންސާފުގެ ކުރި މައްޗަށް ގެނައުމަކީ ފުލުުހުންގެ ވާޖިބެއް ކަމަށާއި، ޤާނޫނުތައް ނަގަހައްޓައި، ޤާނޫނުގެ ކުރިމަތީގައި ހަމަހަމަކަން ޤާއިމު ކުރުމަކީ ފުލުހުންގެ ކޮނޑުގައި އެޅިފައިވާ ބޮޑު ޒިންމާއެއް ކަމަށެވެ.