ސިދާތް މަލްހޯތުރާއާއި ޕަރިނީތީ ޗޯޕްރާގެ އެކީގައި ފެނިގެންދާ ފިލްމު ޖަބަރިޔާ ޖޯޑީގެ ޝޫޓިން ފަށައިފިއެވެ.
މި ފިލްމު ޕްރޮޑިއުސް ކުރަނީ އޭކްތާ ކަޕޫރެވެ. ފިލްމުގެ ޑައިރެކްޓަރަކީ، ޕްރަޝާންތު ސިންހުއެވެ. މިއީ އޭނާ ޑައިރެކްޓް ކުރާ ފުރަތަމަ ފިލްމެވެ.
އޭކްތާ ވަނީ އޭނާގެ ޓްވިޓާގައި ފިލްމުގެ ޝޫޓިން ފަށާފައިވާކަމަށާއި އެފިލްމުގެ ލީޑޫ ރޯލުން ފެނިގެންދާނީ ސިދާތާއި ޕަރިނީތީ ކަމަށް ބުނެފައެވެ މި ފިލްމު ބިނާވެގެންވަނީ ކައިވެނި ކުރަން އުޅޭ ފިރިހެންމީހާ ކިޑްނެޕްކުރަން އުޅޭ ބައެއްގެ ވާހަކަތަކެއްގެ މައްޗަށެވެ. މީގެ ކުރިންވެސް ސިދާތާއި ޕަރިނީތީ ވަނީ އެކީގައި ފިލްމެއް ކުޅެފައެވެ. އެއީ 2014 ވަނަ އަހަރު ނިކުތް ވިނިލް މަތީވްގެ ކާމިޔާބު ފިލްމު ހަސީތޯ ޕަސީއެވެ. ޚަބަރުތައް ބުނާގޮތުގައި ޖަބަރިޔާ ޖޯޑީގެ ޝޫޓިން ފަށާފައިވަނީ އުއްތަރް ޕްރަދޭޝްގައެވެ. ފިލްމުގެ ބޮޑުބައެއް ޔޫޕީގައި ޝޫޓު ކުރުމަށް ހަމަޖެހިފައިވާއިރު، ބިހާރްގައިވެސް ބައެއް ސީންތައް ނެގުމަށް ވަނީ ހަމަޖެހިފައެވެ.
