މަޝްހޫރު ފިލްމްތައް ކަމުގައިވާ "ބަޖިރަންގީ ބައިޖާން" އާއި "އޭކް ތަ ޓައިގާ" ގެ ފިލްމްތައް ޑައިރެކްޓަރ ކުރި ޑައިރެކްޓަރ ކަބީރް ޚާން އާއިލާއެކު ރާއްޖޭގައި ޗުއްޓީ ހޭދަކުރުމަށް އަތުވެއްޖެއެވެ.
ކަބީރާއި އޭނާގެ އަންހެނުން މިނީ މާތޫރާއި ދެ ކުދިން ރާއްޖެ އައިސްފައިވަނީ މާރޗް 23 ވަނަ ދުވަހުއެވެ. އަދި އެމީހުން ޗުއްޓީ ހޭދަކުރަމުންދަނީ ހައިޑްއަވޭ މޯލްޑިވްސް ރިސޯޓްގައެވެ.
އެ މީހުން ވަނީ ރިސޯޓްގައި ނަގާފައިވާ ބައެއް ފޮޓޯތަކާއި ވީޑިއޯތައް އިސްޓަގްރާމް މެދުވެރިކޮށް ޝެއަރ ކޮށްފައެވެ.
އޭނާ އެންމެ ފަހުން ވެސް ޑައިރެކްޓްކޮށް، ޕްރޮޑިއުސްކޮށް އަދި ލިޔެފައިވަނީ ސަލްމާން ޚާން ލީޑް ރޯލް ކުޅުނު ފިލްމެކެވެ. އެއީ މިދިޔަ އަހަރު ރިލީޒް ކުރި "ޓިއުބްލައިޓް" އެވެ.
ކަބީރް މިހާރު މަސައްކަތް ކުރަމުންދަނީ ފިލްމް "83" ގައެވެ. މި ފިލްމްގެ ލީޑް ރޯލުން ފެނިގެން ދާނީ ރަންވީރް ސިންގް އެވެ.
