ޖީ.އެސް.ޓީ ނުދައްކާ ދެ ކުންފުންޏެއްގެ މައްޗަށް އެ ފައިސާ އާއި އެއާގުޅޭ ޖޫރިމަނާ ދެއްކުމަށް ސިވިލް ކޯޓުން ހޯމަ ދުވަހު ޙުކުމް ކޮށްފިއެވެ.

ގެޓް ފެޓް އިންވެސްޓްމަންޓް ޕްރައިވެޓް ލިމިޓެޑްގެ މައްޗަށް ޖީ.އެސް.ޓީ އާއި އެއާގުޅޭ ޖޫރިމަނާގެ ގޮތުގައި ޖުމްލަ 196,498ރ (އެއްލައްކަ ނުވަދިހަހަހާސް ހަތަރުސަތޭކަ ނުވަދިހަ އަށެއް ރުފިޔާ)، އެއް މަސްދުވަހުގެ ތެރޭގައި ދައްކާ ޚަލާޞް ކުރުމަށް ހުކުމް ކޮށްފައިވާއިރު، ޓޫ ކޮމްޕެނީ ޕްރައިވެޓް ލިމިޓެޑްގެ މައްޗަށް ހުކުމް ކޮށްފައިވަނީ ޖީ.އެސް.ޓީ އާއި އެއާގުޅޭ ޖޫރިމަނާގެ ގޮތުގައި ޖުމްލަ 1,059,891.98 (އެއްމިލިއަން ފަންސާސް ނުވަހާސް އަށްސަތޭކަ ނުވަދިހަ އެއް ރުފިޔާ ނުވަދިހަ އަށް ލާރި) ދެ މަސްދުވަހުގެ ތެރޭގައި ދައްކާ ޚަލާޞް ކުރުމަށެވެ.

މީގެ އިތުރުން ދަޢުލަތަށް ދައްކަންޖެހޭ ޖީ.އެސް.ޓީ އަދި އެއާގުޅޭ ޖޫރިމަނާގެ ފައިސާ ހޯދުމަށް ނުވަ ފަރާތެއްގެ މައްސަލަ މިއަހަރުގެ ތެރޭގައި ކޯޓަށް ހުށަހަޅައިފައިވެއެވެ.