އެލައިޑް އިންޝުއަރެންސް އާއި އެމްޓީސީސީއާ ގުޅިގެން މިދިޔަ އަހަރުގެ ސެޕްޓެމްބަރު މަހު ކުރިއަށް ގެންދިޔަ މެރިން އެކްސްޕޯގައި ފެށި "އެލައިޑް ހަލް ޕްރޮމޯޝަން"ގެ ނަސީބުވެރިޔާ ހޮވައިފިއެވެ.

އެލައިޑް އިންޝިއަރެންސްގެ މި ޕްރޮމޯޝަންގެ ނަސީބު ވެރިޔާ ހޮވުމަށް އެލައިޑް އިންޝުއަރެންސްގެ އޮފީހުގައި ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި އެމްޓީސީސީ އިން ވެސް ބައިވެރިވިއެވެ. 

މިދިޔަ ޑިސެމްބަރު މަހުގެ 10 ވަނަ ދުވަހުގެ ނިޔަލަށް ކުރިއަށް ގެންދިޔަ އެ ޕްރޮމޯޝަންގެ ނަސީބުވެރިޔަކަށް ހޮވުނީ، އެލައިޑްގެ ބޯޓު ބިލްޑިން އިންޝުއަރެންސް ޕްކޭޖް ނަގާފައިވާ، ށ. ކޮމަންޑޫ، ބަނަފްސާގޭ، އަހުމަދު އިސްމައިލްއެވެ.

އެލައިޑުން ބުނީ ގުރުއަތުގައި ބައިވެރިކޮށްފައި ވަނީ މި ޕްރޮމޯޝަނުގައި "ބޯޓް ބިލްޑިން އިންޝުއަރަންސް" އަދި "ހަލް އިންޝުއަރަންސް" ޕެކޭޖް އަލަށް ނަގާފައިވާ ފަރާތްތަކުގެ މެދުގަ ކަމަށެވެ.

އެލައިންޑުން ބުނީ މި ޕްރޮމޯޝަނުގެ ދަށުން 88 ފަރާތެއް އެ ޕެކޭޖްގައި ބައިވެރިވެފައިވާ ކަމަށެވެ. 

އެ ޕްރޮމޯޝަންގެ ނަސީބުވެރިޔާއަށް ހަތަރު ސްޓްރޯކް 60 ހޯސްޕަވަރު ސުޒުކީ އައުޓްބޯޑް އިންޖީނެއް އެމްޓީސީސީގެ ފަރާތުން ހުށަހަޅާފައި ވެއެވެ. އެ އިންޖީނަކީ ގާތްގަނަކަށް 120،000ރ. ގެ އިންޖީނެއް ކަމަށް އެމްޓީސީސީ އިން ބުނެއެވެ.