މޯލްޑިވިއަން އާޓިސްޓް ކޮމިއުނިޓީ (މެކް) އާ ގުޅިގެން ލެކިއުޓުން ބާއްވާ 22 ވަނަ ތަރިކަ އާރޓް އެގްޒިބިޝަން އަންނަ ޑިސެމްބަރު މަހުގެ 21 ގެ ނިޔަލަށް ކުރިޔަށްދާނެ ކަމަށް އެ ކުންފުނިން ބުނެފިއެވެ.
ލެކިއުޓުން ނެރުނު ބަޔާނެއްގައި ބުނީ ނޮވެމްބަރު މަހުގެ 26 ގައި ފެށި މި އެގްޒިބިޝަންގައި މަޝްހޫރު އާޓިސްޓް "ކުރަހާ ރާއްޕެ" ނުވަ ކުރެހުމެއް ހިމެނެއެވެ. މި ކުރެހުންތަކަކީ 2013 ގެ ނިޔަލަށް ޓީޗަރެއްގެ ގޮތުގައި މަސައްކަތްކުރި ކުރަހާ ރާއްޕެގެ އަންހެނުން އާތިފާ އަލީ ލަކުޑިން ހަދާފައިވާ ފްރޭމްތަކަށް ލާފައިހުރި ކުރެހުންތަކެކެވެ. މި އެގްޒިބިޝަން ކުރިޔަށްދަނީ ލެކިއުޓްގައެވެ.
ލެކިއުޓުން ބުނީ މި އެގްޒިބިޝަން އަކީ މެކްއާ ގުޅިގެން ކުރެހުންތެރިންނަށް އެ ކުރެހުންތެރިންގެ ކުރެހުންތައް ދައްކާލުމުގެ އިތުރުން އެ ކުރެހުންތައް ވިއްކުމުގެ މަގު ތަނަވަސްކޮށްދޭން ބޭއްވި ކަމެއް ކަމަށެވެ.
މެކް އިން ވަނީ މިދިޔަ ސެޕްޓެމްބަރު މަހު ނުވަ ވަނަ ދުވަހުން ފެށިގެން 14 ވަނަ ދުވަހުގެ ނިޔަލަށް ނެޝަނަލް އާޓް ގެލަރީގައި "އަންވީލިން ވިޝަންސް" ގެ ނަމުގައި އާޓް އެގްޒިބިޝަންއެއް ބާއްވާފައެވެ.
