ދެކުނު އިންޑިއާ ކަނޑުގައި އުފެދުނު ކޮޅިގަނޑެއް ތޫފަނަކަށް ބަދަލުވެ، ސަރަޙައްދުގެ ޤައުމުތަކަށް ބާރު ވަޔާއިއެކު ކުރަމުންދާ ވިއްސާރައާއި ގުޅިގެން ސްރީލަންކާ އަދި އިންޑިއާއަށް ގުޅުމަށް ޚާއްސަ ރޭޓެއް އުރީދޫއިން ތައާރަފް ކޮށްފިއެވެ.

އުރީދޫއިން ނެރުނު ބަޔާނެއްގައި ބުނެފައިވަނީ ޑިސެމްބަރު 1 އިން ޑިސެމްބަރު 2 އަށް މި ޕްރޮމޯޝަން ހުޅުވާލާފައިވާ ކަމަށެވެ.

މި ޕްރޮމޯޝަންގެ ދެދުވަހު ލަންކާއަށް 2.09ރ. ގެ ރޭޓުން ގުޅޭއިރު، 99ލ. އަށް އިންޑިއާއަށް ގުޅޭނެ ކަމަށް އުރީދޫއިން ބުނެއެވެ.

އަވަށްޓެރި އިންޑިއާއާއި ސްރީލަންކާ އަކީ ދިވެހިން ގިނައަދަދަކަށް ދިރިއުޅެމުންދާ ދެ ގައުމެވެ.

އުރީދޫއިން ބުނީ މިގޮތަށް ހަމަޖެއްސީ މިދެގައުމުގައި ދިރިއުޅޭ  އާއިލާ އާއި ގާތްތިމާގެ ބޭފުޅުންނަށް ފަސޭހަކަމާއިއެކު ގުޅުމުގެ މަގު ފަހިކޮށްދިނުމުގެ ގޮތުން ކަމަށެވެ.