މި މަހުގެ 24 ވަނަ ދުވަހު ރިލީޒްކުރަން ހަމަޖެހިފައިވާ ފިލްމް "ފިރަންގީ"ގައި އިންޑިއާގެ މަޝްހޫރު ކޮމެޑިއަން އެއް ކަމަށްވާ ކަޕިލް ޝަރްމާގެ އާއިލާ ބައެއް މެމްބަރުންވެސް ހަރަކާތްތެރިވެއެވެ.
"ދަ ޓައިމްސް އޮފް އިންޑިއާ" ނޫހުގައި ބުނެފައިވާ ގޮތުން "ފިރަންގީ" ފިލްމުގެ ލަވައެއް ކަމަށްވާ "ސަޖްނާ ސޯނޭ ޖިޔާ" ލަވައިގައި ކަޕިލްގެ މަންމަ ޖަނަކް ރާނީ އާއި އޭނާގެ ދައްތަ ޕޫޖާ ޑޭވްގަންގެ އިތުރުން އޭނާގެ ފަހަރި މުސްކާން ޕުންޖު ވަނީ އެކްޓުކޮށްފައެވެ.
ލަވައިގެ ޝޫޓިން އާއި ބެހޭ ގޮތުން ވާހަކަ ދައްކަމުން ކަޕިލް ބުނީ އެ ތިން އަންހެނުންނަކީ ވެސް ކެމެރާ ކުރިމަތީގައި އެކްޓުކުރަން ލަދު ގަންނަ ބައެއް ނޫން ކަމަށާއި އާއިލާ ބައެއް މެމްބަރުންނާއެކު ސޫޓިން ސެޓްތަކުގައި އުޅެން ލިބުމުން ވަރަށް މަޖާ ކަމަށެވެ.
ފިލްމް "ފިރަންގީ" އަކީ 1920 ވަނަ އަހަރު އިންޑިއާގައި ހިނގައިދިޔަ ތާރީޚީ ހާދިސާއެއްގެ މައްޗަށް ބިނާކޮށް ހަދާފައިވާ ފިލްމެކެވެ.
މި ފިލްމުމުގެ ޝޫޓިން ނަގާފައި ވަނީ ޕަންޖާބް އަދި ރާޖަސްތާނުގައެވެ.
