ޕީއެސްއައިޕީ އަށް ޖަހާފައި ހުރި ފައިސާހުރީ އެހެންކަންކަމަށް ބޭނުންކޮށް ހުސްކޮށްލާފައި ކަމަށް ހުޅުމާލޭ ދެކުނު ދާއިރާގެ މެމްބަރު ޑރ އަޙްމަދު ޝަމްހީދު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަދައްކަވަމުން ޑރ. ޝަމްހީދު ވިދާޅުވީ ރައީސުލްޖުމްހޫރިއްޔާ ބައެއް ކަންތައްތަކުގައި ތެދުބަހުން ވާހަކަދައްކަން ޖެހޭ ކަމަށެވެ. އެގޮތުން ޕީއެސްއައިޕީ ބަޖެޓުގައި ހުރި މަޝްރޫޢުތައް ކުރިއަށް ނުގެންގޮސް އޮތީ ބަޖެޓު ގައި ޖަހާފައި ހުރި އަދަދު ތަކުން ކަމަށް ބުނެވޭނެ އެއްވެސް ޖާގައެއް ނެތްކަމަށް ޝަމްހީދު ވިދާޅުވިއެވެ.
އޭނާ ވިދާޅުވީ ޕީއެސްޕީއަައި ކުރިއަށް ނުގެންދެވުނުކަމަށް ރައީސް ވިދާޅުވާއިރު، ބަޖެޓް އޮތީ އެއްކޮށް ހުސްކޮށްލާފައި ކަމަަށެވެ. އެންމެ ފުރަތަމަ ބަޖެޓުކުރި އަދަށްވުރެ ބޮޑަށް ބަޖެޓު އޮތީ ބޭނުންކޮށްފައި ކަމަށް ވެސް ޝަމްހީދު ވިދާޅުވިއެވެ.
އަޅުގަނޑުމެންނަށް މިހާރު ވެސް ބައްލަވައިލެވޭނެ ތިބޭފުޅުންނަށް ފެނިވަޑައިގަންނަވާނެ ފަސްސަތޭކަ ހަތަރުސްތޭކަ ވަރަކަށް މިލިއަން ރުފިޔާ ޕީއެސްއައިޕީގެ ބަޖެޓުގައި ހުންނާނެ ހެލްތް ސެކްޓާއަށް ޚަރަދުކުރަން ޖައްސާފައި. އަހަރު ނިންމުން އިރު ނުވަދިހަ މިލިއަން ރުފިޔާ ހޭދައެއް ނުކުރައްވާ. އެހެންވީމާ ފައިސާ ނެތިގެންނޭ އަދަދު ކުޑަވެގެންނޭ ނުބުނެވޭ. ހަމަ ކޮންމެ އިންޑިވިޖުއަލް ކޮމްޕޮނަންޓް ތިޔަބޭފުޅުން ބައްލާވާ ފެންނާނެ އެ އަދަދުތައް ބޭނުން ނުކުރާކަށް. ނުކޮށް އިނީ މުޅިން ބަޖެޓުގައި ނުޖަހައި ބަޖެޓުގައި ނެތް އައިޓަމަކަށް ހޭދަކޮށްފަ ކަން. އަޅުގަނޑުމެންނަށް 2024 ނިމުނުއިރު އެއީ ފިނޭންސް މިނިސްޓްރީގެ އެންމެ ފަހު ހަފުތާގެ ހިސާބަށް ބަލައި ތިޔަ ފުޅުންނަށް ފެންނަން އޮންނާނެ އިންޑިވިޖުއަލްކޮށް ކޮންމެ ސެކްޓާއަކަށް ބަޖެޓު ކުރެވި މިދިޔަ މިދިޔަ އަހަރު ހޭދަކުރި އަދަދު އޮންނާނީ ފެންނާން.ހުޅުމާލޭ ދެކުނު ދާއިރާގެ މެމްބަރު ޑރ އަޙްމަދު ޝަމްހީދު
ޝަމްހީދު ވިދާޅުވީ ބަޖެޓުން ހޭދަކުރާނެ ގޮތުގެ ޕްރޮއިިރިޓީ އެއްކޮށް ބަދަލުކޮށްފައިވާ ކަމަށާއި، ޕީއަސްސައިޕީ ބަޖެޓު މުޅިން އެހެން ކަމަކަށް ހޭދަކޮށް ނިންމާލި ކަމަށެވެ. ޝަމްހީދު ވިދާޅުވީ ފައިސާ ޗާޕުނުކޮށް ބަޖެޓު ހަމަޖައްސަވާ ވާހަކަ ރައީސް ދައްކަވާ އިރު ބަޖެޓަށް ފައިނޭންސް ކުރަން އޮންނަ އެއް ގޮތަކީ ޓެކްސް ފައިސާ އިން އެކަން ކުރުމެވެ. އަނެއް ގޮތަކީ ފައިސާ ޗާޕުކޮށްގެން އެކަން ކުރުން ކަމަށެވެ.
ފައިސާ ޗާޕުކޮށްގެންތޯ ތަކުލީފު ކުޑައީ ނޫނީ ރައްޔިތުން ނަމުގެ ލޯނު ނަގައިގެންތޯ ތަކުލީފު ކުޑައީ، އެގޮތަށް ތަކުލީފު ކުޑަ ގޮތަކަށް ކޮންމެ ބަޔަކުވެސް ޢަމަލުކުރާނީ. އޭގެ ހާލަތަކާ ހުރިހާ އެއްޗެއް ބައްލަވާފަ. އެހެންވީމާ އަޅުގަނޑުމެންނަށް އެނގިގެން މިދަނީ 2018 ވަނަ އަހަރު ނިމިގެންދިޔައިރު ޑޮލަރު ރޭޓު ހުރި އަދަދާއި ތިޔަ ވިދާޅުވި ފައިސާ ޗާޕު ހުއްޓާލި ފަހުން ޑޮލަރު ރޭޓު މިއަދު އޮތް އަދަދާއި ހަމަ އަޅުގަނޑުމެންނަށް މި ދަނީ ހިފަހައްޓާ ނުލެވޭ ހިސާބަށް ޑޮލަރުރޭޓު މަތިވަމުން އަދި އަޅުގަނޑަށް ގަބޫލު ކުރަނީ އަންނަ އަހަރު މިއަށް ވުރެ މަތިވެގެންދާނެ ކަމަށްހުޅުމާލޭ ދެކުނު ދާއިރާގެ މެމްބަރު ޑރ އަޙްމަދު ޝަމްހީދު
ޝަމްހީދު ވިދާޅުވީ ކޮންމެ ސަރުކާރެއްގެ ކެބިނެޓުގައިވެސް ކޮންމެވެސް ވަރަކަށް އިކޮނޮމީ ދަންނަ މީހުން ތިބެންޖެހޭ ކަމަށެވެ. އަދި މި ސަރުކާރުން އެ ބޭފުޅުންނަށް އެ ދެއްކޭ ވާހަކައެއް މާ ރަނގަޅަށް ފަހުމު ވާނެ ކަމަށާއި، މިދިޔަ އަހަރުގެ ބަޖެޓުގައި ޕީއެސްއައިޕީ އަށް ޖަހާފައި ހުރި މަސައްކަތް ނުކޮށް އޮތީ ބަޖެޓް ހެދިފައި އޮތްގޮތުން ނޫން ކަމަށެވެ.
ޝަމްހީދު ވިދާޅުވީ ބަޖެޓު ހޭދަކޮށްފައި އޮތް ގޮތަށް ބަލައިލުމުން ހޭދަކުރި ގޮތް އެނގޭނެ ކަމަށާއި، ސަޕްލިމެންޓްރީ ބަޖެޓާ އެއްކޮށް ހެލްތް ސެކްޓާއަށް އެކަނި ފަސްސަތޭކަ މިލިއަނާ ގާތަށް އަަދަދު އަރާފައިވާއިރު އެކަމަށް ހޭދަ ނުކުރައްވާ އެކަމަކު ޖުމްލަ އަދަދު އިނީ ހޭދަކޮށްފައި ކަމަށެވެ.
