ހުޅުމާލޭގައި ހުންނަ ހިޔާ ޓަވަރު 5 ގެ، 13 ވަނަ ފަންގިފިލާއިން 16 އަހަރުގެ ދިވެހި ފިރިހެން ކުއްޖަކު ވެއްޓި މަރުވެއްޖެއެވެ.
މި ހާދިސާ ހިނގާފައިވަނީ މިރޭ 01:26 އެހާކަށްހާއިރު ކަމަށް ފުލުހުން މައުލޫމާތުދެއެވެ.
ފުލުހުން ބުނީ އެ ކުއްޖާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.
މި މައްސަލަ ފުލުހުން ދަނީ ތަޙުޤީޤު ކުރަމުންނެވެ.
