ސަޢޫދީ ޢަރަބިއްޔާ އަށާއި އަޒަރުބައިޖާނަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުކުރު ދުވަހު ރާއްޖެ ވަޑައިގެންފިއެވެ.
ރައީސް މުއިއްޒު ސަޢޫދީ ޢަރަބިއްޔާއަށް ކުރެއްވި ދަތުރުފުޅަކީ، ޖޮއިންޓް ޢަރަބް- އިސްލާމިކް އެކްސްޓްރާ އޯޑިނަރީ ސަމިޓުގައި ބައިވެރިވެވަޑައިގަތުމަށް ކުރެއްވި ދަތުރުފުޅެކެވެ.
އަޒަރްބައިޖާނަށް މުއިއްޒު ވަޑައިގަތީ މޫސުމާ ބެހޭ މުއާހަދާގެ ބައިވެރިންގެ 29 ވަނަ ބައްދަލުވުމުގައި (ކޮޕް29) ބައިވެރިވެވަޑައިގަތުމަށެވެ. އަޒަރްބައިޖާންގެ ވެރިރަށް ބަކޫ ގައި މޫސުމީ މައްސަލަތަކަށް ބޭނުންވާ ފައިސާ ލިބުމުގެ މުހިންމު ކަމުގެ މައްޗަށް މުއިއްޒު ވަނީ ވާހަކަފުޅު ދައްކަވާފައެވެ.
މޫސުމަށް އަންނަ ބަދަލުތަކާ ބެހޭ ގޮތުން ސަރުކާރުން ދޭ އަހަމިއްތު މުއިއްޒުގެ މިދަތުރުފުޅުގައި ދެއްކެވި ވާހަކަފުޅު ތަކުގައި ފާހަގަ ކުރެއްވި އިރު، ރައީސް މުއިއްޒު އަކީ ވެރިކަމަށް ވަޑައިގެންނެވި އިރު މޫސުމަށް އަންނަ ބަދަލުތަކަކީ ހަގީގަތެއް ކަމަށް ގަބޫލު ކުރެއްވި ފަރާތެއް ނޫންކަން ފާހަގަ ކުރެވެއެވެ.
