ހުސްވި އަހަރުގެ އޮކްޓޯބަރު 7 ވަނަ ދުވަހު ޣައްޒާ ގައި އިޒްރޭލުން ފެށި ރަހުމުކުޑަ ހަނގުރާމަ އަށް ހޯމަ ދުވަހު އެއް އަހަރު ފުރޭއިރު ޣައްޒާގެ ކޮންމެ 55 މީހަކުން އެކަކު ޝަހީދުވެއްޖެއެވެ.
ހަނގުރާމައަށް އެއް އަހަރު ފުރުނު އިރު އިޒްރޭލުގެ ހަމަލާތަކުގައި ޝަހީދުވި މީހުންގެ އަދަދު މަދުވެގެން 41،870ށް އަރާފައިވާ ކަމަށް ޣައްޒާގެ ހެލްތް މިނިސްޓްރީން ވަނީ ބުނެފައެވެ.
މީގެ ތެރެއިން 16،756 އަކީ ކުޑަކުދިންނެވެ.
އިޒްރޭލުގެ ހަމަލާތަކުގައި މަރުވި އަންހެނުންގެ އަދަދު މަދުވެގެން 11،346ށް ވަނީ އަރާފައެވެ.
އިޒްރޭލުގެ އަނިޔާވެރި ހަމަލާތަކުގައި ޣައްޒާ އިން ޝަހީދުވި މީހުންގެ 69 އިން ސައްތަ އަކީ އަންހެނުންނާ ކުޑަކުދިންނެވެ.
