Advertisement
ކ. މާލެ
|
30 ޖުލައި 2024 | އަންގާރަ 15:21
ކަނޑިތީމު ދާއިރާގެ މެމްބަރު އަމީން ފައިސަލް
ކަނޑިތީމު ދާއިރާގެ މެމްބަރު އަމީން ފައިސަލް
ރައްޔިތުންގެ މަޖިލިސް
ސަރުކާރުން ޚަރަދުކުޑަކުރުން
ލާމަރުކަޒީ ނިޒާމަކީ ޚަރަދު ބޮޑު، ފެއިލްވެފަވާ ނިޒާމެއް ކަމަށް ދައްކާތީ ކަންބޮޑުވޭ - އަމީން ފައިސަލް
ލާމަރުކަޒީ ނިޒާމަކީ ފެއިލްވެފައި އޮތް އެއްޗެއް ކަމަށް ތަކުރާރުކޮށް މެމްބަރުން ބުނަމުންދާތީ އެކަމަށް އޭނާ ވަނީ ފާޑު ވިދާޅުވެފަ
އޭނާ ވަނީ ކައުންސިލްތަކުގެ ބައި އިލެކްޝަން ބޭއްވުމާއި މެދު ބަދަލުތަކެއް ގެންނަކަމަށް ވާނަމަ މިއީ އެންމެ ރަނގަޅު ވަގުތު ކަމަށް ޤަބޫލު ނުކުރެވޭކަމަށް ވިދާޅުވެފަ

މަޖިލީހުގެ ސަރުކާރަށް ތާއީދުކުރައްވާ މެމްބަރުން ލާމަރުކަޒީ ނިޒާމަކީ ޚަރަދު ބޮޑު، ފެއިލްވެފަވާ ނިޒާމެއް ކަމަށް ދައްކާތީ ކަންބޮޑުވެވަޑައިގަންނަވާ ކަމަށް މަޖިލީހުގެ ކަނޑިތީމު ދާއިރާގެ މެމްބަރު އަމީން ފައިސަލް ވިދާޅުވެއްޖެއެވެ.

މަޖިލީހުގައި ވާހަކަދައްކަވަމުން އޭނާ ވަނީ ލާމަރުކަޒީ ނިޒާމާއި މެދު ސަރުކާރުގެ މެމްބަރުން ބަސްމަގު ގެންގުޅުއްވާގޮތަށް ފާޑު ވިދާޅުވެފައެވެ.

Advertisement

ލާމަރުކަޒީ ނިޒާމަކީ ފެއިލްވެފައި އޮތް އެއްޗެއް ކަމަށް ތަކުރާރުކޮށް މެމްބަރުން ބުނަމުންދާތީ އެކަމަށް އޭނާ ވަނީ ފާޑު ވިދާޅުވެފައެވެ. އެ ނިޒާމަކީ ޚަރަދު ބޮޑު ނިޒާމެއް ކަަމަށް ދެއްކުމަކީ ކަންބޮޑުވެވަޑަިއގަންނަވާ ކަމެއް ކަމަށް އޭނާ ވަނީ ވިދާޅުވެފައެވެ. މިއަދު ރާއްޖޭގެ މެޖޯރިޓީ ރައްޔިތުން، ރައްޔިތުންގެ މަޖިލީހަށް ވެސް އިތުބާރު ނުކުރާކަމަށް އޭނާ ވިދާޅުވިއެވެ. އެހެންކަމުން މަޖިލީހުގެ މެމްބަރުންނަށް އާއްމުން އިތުބާރު ނުކުރާކަމަށް ބުނެ މަޖިލިސް ވެސް އުވާލާފައި އެހެން ސިސްޓަމެއް ގެންނަން މަސައްކަތްކުރަންވީތޯ އޭނާ ވަނީ ސުވާލުކުރައްވާފައެވެ.

އަޅުގަނޑުމެންވީތޯ އޭ މިތަން އުވާލާފައި އެހެން ގޮތަކަށް އެހެން ސިސްޓަމެއް ގެންނަން މަސައްކަތްކުރަން؟ ނޫން އިއްޒަތްތެރި ރައީސް! އެއީ އެއް ނޫން އަޅުގަނޑުމެންގެ ޒިންމާއަކީ. އަޅުގަނޑުމެންގެ ޒިންމާއަކީ މިތަނަށް އިތުބާރު ހޯދާ ރައްޔިތުންގެ މަޖިލީހަކީ ވެސް ލާމަރުކަޒި ނިޒާމަކީ ވެސް ރައްޔިތުންނަށް އޮތް އިތުބާރު ހޯދާ ޚިދުމަތްތަކެއް ކުރެވޭނެ ނިޒާމަކަށް ހަދަން މަސައްކަތްކުރަންވީ. ރަނގަޅު އާބާދީ އާއި ނުބައްދަލު މިނަކަށް އެބަ ތިބި. އެކަން ބަދަލުކުރެވިދާނެ.
ކަނޑިތީމު ދާއިރާގެ މެމްބަރު އަމީން ފައިސަލް

އޭނާ ވަނީ ކައުންސިލްތަކުގެ ބައި އިލެކްޝަން ބޭއްވުމާއި މެދު ބަދަލުތަކެއް ގެންނަކަމަށް ވާނަމަ މިއީ އެންމެ ރަނގަޅު ވަގުތު ކަމަށް ޤަބޫލު ނުކުރެވޭކަމަށް ވިދާޅުވެފައެވެ. އެހެންނަމަވެސް ރަނގަޅަށް މަޝްވަރާކުރުމަށް ފަހު ނިޒާމަށް ބަދަލު ގެނެވިދާނެކަންކަން ހުރި ކަމަށް އަމީން ވަނީ ވިދާޅުވެފައެެވެ.

ބައި އިލެކްޝަން ބޭއްވުން ޚަރަދު ބޮޑުވެގެން އުޅޭ އިރު މާލޭގައި ވެސް އިމާރާތްތައް ކުއްޔަށް ނަގައިގެން އިދާރާތައް ހިންގަމުންދާ ކަމަށް އޭނާ ވިދާޅުވިއެވެ. އޭނާ ވަނީ ސަރުކާރުން ޚަރަދު ކުޑަކުރަން މަސައްކަތް ކުރާ މަންޒަރު ނުފެންނަ ކަމަށް ވެސް ވިދާޅުވެފައެވެ.

ޚަރަދުކުޑަކުރަން ކުޑަމިނުން ކޯލް ސެންޓަރތައް އަތޮޅު ތެރެއަށް ބަދަލުކޮށްލިއަސް ގައިމު ޚަރަދު ކުޑަ ވާނެ. ގޭގަ ބައިތިއްބައިގެން މުސާރަ ދޭ މުވައްޒަފުންނަށް 8 ލައިއްކައިން އެބަ މުސާރަދޭ. ކަނޑާލަންވީ ނޫންތޯ؟ ޚަރަދުކުޑަ ވާނެ. އަޅުގަނޑުމެންނަކަށް ނުފެނޭ ޚަރަދު ކުޑަކުރަން އުޅޭ މަންޒަރެއް. ނޫޅޭ ޚަރަދު ކުޑަކުރާކަށް.
ކަނޑިތީމު ދާއިރާގެ މެމްބަރު އަމީން ފައިސަލް

ޚަރަދު ކުޑަކުރުމަށް މަސައްކަތް ކުރާ ނަމަ އެމްޑީޕީގެ މެމްބަރުންގެ އެއްބާރުލުން ލިބޭނެ ކަމަށް އޭނާ ވިދާޅުވިއެވެ.

Advertisement

Advertisement
އެންމެ ފަހުން އަޕްޑޭޓް ކުރީ: 6 ދުވަަސް ކުރިން
ރިވިއު ކުރީ: ނާޒުމީ ސައީދު
- ކޮމެންޓް