ކްރޮއޭޝިޔާ ޑިފެންޑަރ ޑޮމަގޯޖް ވިޑާ 14 އަހަރަށް ފަހު ގައުމީ ޓީމަށް ކުޅުން ހުއްޓާލައިފި އެވެ. ޖަރުމަނުގައި ނިމުނު ޔޫރޯ ފުޓްބޯޅަ މުބާރާތުގައިވެސް ކުޅުނު ޑިފެންޑަރު ގައުމީ ޓީމަށް ކުޅުން ހުއްޓާލީ 105 މެޗު ގައުމީ ޓީމަށް ކުޅެދީފައެވެ.

ކްރޮއޭޝިޔާ ފެޑެރޭޝަނުން ވަނީ 35 އަހަރުގައި ވިޑާ ގައުމީ ޓީމަށް ކުޅުން ހުއްޓާލަން ނިންމިކަން ޔަގީންކޮށްދީފައެވެ. ގައުމީ ޓީމްގައި އޭނާގެ އެންމެ ބޮޑު ކާމިޔާބީ އަކީ 2018 ވަނަ އަހަރު ވަރލްޑް ކަޕް ފައިނަލަށް ދަތުރުކުރި ޓީމްގައި މުހިއްމު ދައުރެއް އަދާކުރުމެވެ. އަދި 2022 ވަނަ އަހަރު ތިންވަނަ ހޯދި ޓީމްގައިވެސް މުހިއްމު ދައުރެއް އަދާކުރިއެވެ. ކުޅުން ހުއްޓާލިކަން އިއުލާނުކުރަން ނެރުނު ބަޔާނުގައި ވިޑާ ބުނެފައިވަނީ ދުނިޔޭގެ އެންމެ ރީތި ޖަރޒީ ލުމަކީ ވަރަށް ބޮޑު ފަޚުރެއް ކަމަށެވެ. ބޮޑު 7 މުބާރާތެއްގައި 105 މެޗު ގައުމީ ޓީމަށް ކުޅުމުގެ ފުރުޞަތު ލިބުމުގެ އުފާވެރި ހިތްހަމަ ޖެހުން އޮތްކަން ފާހަގަ ކޮށްފައި ވެއެވެ.

ކުރިން ބަޔާ ލެވަކޫސަންއާއި ބެސިކްޓަސް އަށް ކުޅުނު ވިޑާލް މިހާރު ކުޅެނީ ގްރީސްގެ އޭއީކޭ އެތެންސް އަށެވެ.