ކެންޔާގެ ރިޔާސީ އިންތިޚާބު އެ ޤައުމުގެ މިހާރުގެ ރައީސް އުހުރޫ ކެންޔައްތާ ކާމިޔާބުކުރައްވައިފި ކަމަށް އެ ޤައުމުގެ ނެޝަނަލް އިލެކްޓުރޯރަލް ކޮމިޝަނުން ބުނެފިއެވެ.

ރައީސް އުހުރޫ ކެންޔައްތާ މި އިންތިޙާބު ކާމިޔާބު ކުރއްވާފައި ވަނީ 54.3 ޕަސަންޓުގެ ވޯޓުންނެވެ. މި އިންތިޙާބުގައި އެމަނިކުފާނާ ދެކޮޅަށް ވާދަ ކުރެއްވީ ޒަމާންވީ އިދިކޮޅު ލީޑަރު ރައިލާ އޮޑިންގާއެވެ. އޭނާއަށް ލިބިފައި ވަނީ 44.7 ޕަސަންޓުގެ ވޯޓެކެވެ.

ރައީސް އުހުރޫ ކެންޔައްތާ ވިދާޅުވީ މި ރިޔާސީ އިންތިޙާބަކީ މިނިވަން އަދި އިންސާފުވެރި އިންތިޙާބެއް ކަމަށެވެ. އެހެންނަމަވެސް އިދިކޮޅު ފަރާތްތަކުންވަނީ މި އިންތިޙާބުގެ ނަތީޖާ ފާޅުކުރުމުގެ ކުރިން މި އިންތިޙާބުގެ ނަތީޖާތައް ބަލައި ނުގަންނާނެ ކަމަށް ބުނެފައެވެ. އަދި އެ ޤައުމުގެ ސަރުކާރުން އިންތިޙާބު ބާއްވަނީ ހަމައެކަނި ދެއްކުންތެރިކަމުގެ ގޮތުން ކަމަށް އިދިކޮޅު ފަރާތްތަކުން ވަނީ ތުހުމަތުކޮށްފައެވެ.

ރިޔާސީ އިންތިޙާބު ބާއްވާފައިވަނީ އޮގަސްޓް މަހުގެ 8 ވަނަ ދުވަހު އެވެ. ކެންޔާގައި ވޯޓް ނަގާފައި ވަނީ އީ ވޯޓިން ސިސްޓަމް  ބޭނުންކޮށްގެންނެވެ.

ދާދި ފަހުންވަނީ ކެންޔާގެ އީ ވޯޓިންގްއާބެހޭ ވެރިޔާ ކްރިސް ސަންޑޯ ވަނީ މަރާލާފައި އޮއްވާ ފެނިފައެވެ.