ގިނަ އަދަދެއްގެ ބަނގުރަލާއެކު ހުޅުމާލެއިން ދެ މީހަކު ހައްޔަރުކޮށްފިއެވެ.
އެ ދެ މީހުން ހައްޔަރުކުރީ އާދިއްތަ ދުވަހުގެ ރޭ 150 ފުޅި ބަނގުރަލާއެކުގައެވެ.
އެކަން ހާމަކުރައްވާ އެސިސްޓެންޓް ކޮމިޝަނާ އޮފް ޕޮލިސް އަދި ފުލުހުންގެ ތަރުޖަމާނު އަހުމަދު ޝިފާން އެކްސްގައި ކުރެއްވި ޕޯސްޓެއްގައި ވަނީ މި މައްސަލައިގައި ހިމެނޭ ބަނގުރާ ފުޅިތަކުގެ ފޮޓޯ ހިއްސާކޮށްފައެވެ.
ޝިފާން އިތުރަށް ވިދާޅުވީ މި މައްސަލައިގައި ހައްޔަރު ކުރި ދެ މީހުންގެ އަތުން ގިނަ އަދަދެއްގެ ފައިސާ ހޯދާފައިވާ ކަމަށެވެ. އެހެންނަމަވެސް އެ ފައިސާގެ ތަފްސީލެއް ހިއްސާކުރައްވާފައެއް ނުވެއެވެ.
އެ މީހުންގެ ވަނަވަރު އަދި މިހާތަނަށް ހާމަކޮށްފައި ނުވާކަން ފާހަގަކޮށްލެވެއެވެ.
މީގެ ދުވަސްކޮޅެއް ކުރިން ބޮޑު ޢީދާއި ދިމާކޮށް ވެސް ފުލުހުން ވަނީ ގިނަ އަދަ އަދަދެއްގެ ބަނގުރާ އަތުލައިގަނެފައެވެ.
