މަޖިލީހުގެ ސަރޖަންޓް އެޓް އާމްސް މަޤާމާއި ހަވާލުވެވަޑައިގަންނަވައިފިއެވެ.
ރައްޔިތުންގެ މަޖިލީހުގެ ސާޖަންޓް އެޓް އާމްސްގެ މަގާމަށް ސިފައިންގޭގެ ކުރީގެ އިސް އޮފިސަރެއް ކަމަށްވާ ތޮލްހަތު ހަސަން އައްޔަންކުރައްވަން ފާސްކޮށްފައި ވަނީ މާރޗް މަހުގެ 27 ވަނަ ދުވަހުއެވެ.
އޭނާ މަޤާމާއި ހަވާލުވެވަޑައިގެން، އަހުދުގައި ސޮއިކުރެއްވިކަން މަޖިލީހުގެ ރައީސް މުހައްމަދު އަސްލަމް ވަނީ ހޯމަ ދުވަހު އިއުލާންކުރައްވާފައެވެ.
އެ މަގާމަށް ގ. ސާޓަނުގެ ތޮލްހަތު ހަސަން އައްޔަންކުރައްވާފައި ވަނީ ވޯޓުގައި ބައިވެރިވެވަޑައިގެންނެވި 35 މެންބަރުންގެ އިއްތިފާގުންނެވެ.
އޭނާ އެންމެ ފަހުން ހުންނެވީ އެމްއެންޑީއެފްގެ މޭޖާގެ ރޭންކުގައެވެ. ފަހުން މަޤާމުން ރިޓަޔާ ކުރައްވާފައިވާ ތޮލްހަތަކީ ކުރީގެ ރައީސް އިބްރާހީމް މުހައްމަދު ސާލިހުގެ ސަރުކާރުގައި ސްޓެލްކޯގެ ބޯޑުގައި ޚިދުމަތް ކުރެއްވި ބޭފުޅެކެވެ.
އޭނާ ވަނީ 21 އަހަރު ވަންދެން ސިފައިންގޭގައި ހިދުމަތް ކުރައްވާފައެވެ.
މަޖިލީހުގެ އިދާރާގެ އޮނިގަނޑު ބުނާ ގޮތުން ސާޖެންޓް އެޓް އާމްސްއަކީ، ރައްޔިތުންގެ މަޖިލީހުގެ އަމީންއާންމުގެ މަގާމާ ޖެހިގެން ދެ ވަނައަށް އެންމެ އިސްވެރިޔާއެވެ.
މީގެ ކުރިން މަޖިލީހުގެ ސާޖަންޓް އެޓް އާމްސްގެ މަގާމުގައި ހުންނެވި މުހައްމަދު ހަލީމްގެ މައްސަލަ އެއް ބެލުމަށް ފަހު އޭނާ ސަސްޕެންޑުކޮށް، ފަހުން ވަނީ ވަޒީފާ އިން ވަކިކޮށްފަ އެވެ.
