ޕީއެސްއައިޕީގެ ދަށުން ކުޑަކުދިންގެ ޕާކުތައް ހެދުމަކީ ކައުންސިލް މިނިސްޓްރީން ކުރާ ކަމެއްގެ ގޮތުގައި ރައީސުލްޖުމްހޫރިއްޔާ ޑރ މުޙައްމަދު މުއިއްޒު ހަމަޖައްސަވާފައިވާކަމަށް މިނިސްޓަރ އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވޯކްސް، އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ، ޕީއެސްއައިޕީގެ ދަށުން ކުޑަކުދިންގެ ޕާކުތައް ހެދުމަކީ ކައުންސިލް މިނިސްޓްރީން ކުރާ ކަމެއްގެ ގޮތުގައި ރައީސުލްޖުމްހޫރިއްޔާ ޑރ މުޙައްމަދު މުއިއްޒު ހަމަޖައްސަވާފައިވާ ކަމަށެވެ.
އެހެންކަމުން، މުޅި ޕްރޮޖެކްޓުގެ ސްޓޭޓަސް ދެނެގަނެ، ޕްރޮޖެކްޓް ކުރިއަށް ގެންދާނެ އިދާރީ އިންތިޒާމު މިހާރު ކައުންސިލް މިނިސްޓްރީގައި ޤާއިމު ކޮށްފައިވާކަމަށް އާދަމް ޝަރީފް ވިދާޅުވިއެވެ.
މިނިސްޓަރ އާދަމް ޝަރީފް އިތުރަށް ވިދާޅުވީ، 2025 ގެ ނިޔަލަށް ރާއްޖޭގެ ހުރިހާ ރަށެއްގައި ކުޑަކުދިންގެ ޕާކު ޤާއިމު ކުރުމަކީ މި ސަރުކާރުގެ އަމާޒު ކަމަށެވެ.
