މެޗުގެ އިތުރު ވަގުތުގައި ލަނޑު ޖަހައިގެން މޮޅުވެ, ލިވަޕޫލުން އިތުބާރު ބޮޑުކޮށްފިއެވެ.

އިނގިރޭސި ޕްރިމިއަރ ލީގު ތާވަލްގެ އެއް ވަނައިގައި އޮތް ލިވަޕޫލުން ނޮޓިންގހަމް ފޮރެސްޓް ބަލިކުރީ މެޗުގެ އިތުރު ވަގުތުގެ ވެސް 9 ވަނަ މިނެޓުގައި ލަނޑު ޖަހައިގެންނެވެ. ރަށުން ބޭރުގައި ކުޅުނު މެޗުގައި ލިވަޕޫލް މޮލުކޮށްދިނީ ބަދަލަކަށް ނުކުމެ ޑާވިންގ ނޫނޭޒް ލަނޑު ޖަހައިގެންނެވެ. އޭނާ އެނބުރި އައީ އަނިޔާއަކަށް ފަހު ކުޅުމާ ދުރުގައި ހުރުމަށްފަހު އެވެ. މިމޮޅާއެކު ލިވަޕޫލުން ވަނީ އެއްވަނައިގައި ހަތަރު ޕޮއިންޓްގެ ލީޑެއް ނަގާފައެވެ. ނަމަވެސް އެއީ ދެވަނައިގައި އޮތް މެންޗެސްޓަރ ސިޓީ އަށް ވުރެ އިތުރަށް މެޗެއް ކުޅެގެންނެވެ.

މެޗުގައި ލިވަޕޫލުން އިތުރު ވަގުތުގެ 9 ވަނަ މިނެޓުގައި ލަނޑު ޖެހިއިރު, ބަދަލު ރެފްރީ އިތުރު ވަގުތުގެ ގޮތުގައި ދެއްކީ 8 މިނެޓެވެ. ނޮޓިންގހަމް ފޮރެސްޓް އޮތީ ކިރިޔާ ރެލިގޭޝަނުން ބޭރުގައި 17 ވަނައިގަ އެވެ.

ލީގުގައި ޗެލްސީއަށް ކުރެވުނު ވަރަކީ ބްރެންޓްފޯޑް އަތުން ޕޮއިންޓެއް ހޯދުމެވެ. އެމެޗު ނިމުނީ 2-2 ން އެއްވަރު ވެގެންނެވެ. ޗެލްސީ އޮތީ ތާވަލްގެ 11 ވަނައިގަ އެވެ.