އަންނަ މަހު އޮންނަ ރައްޔިތުންގެ މަޖިލީހުގެ އިންތިހާބުގައި ވާދަކުރާ ކެންޑިޑޭޓުންގެ ނަންތައް ތަރުތީބުކޮށްފިއެވެ.

ކެންޑިޑޭޓުންގެ ނަންތައް ތަރުތީބުކޮށްފައިވަނީ، އެކަމަށް ޚާއްސަކޮށް ހުކުރު ދުވަހު، އިންތިޚާބާ ބެހޭ މަރުކަޒު ނުވަތަ ދަރުބާރުގޭގައެވެ. މި ހަރަކާތް ހުކުރު ދުވަހުގެ މެންދުރު 2:30 އިން ފެށިގެން އިރުއޮއްސި 6:30 އާ ހަމައަށް އިލެކްޝަންސް އިން ވަނީ ކުރިއަށްގެންގޮސްފައެވެ.

މި އިންތިިހާބަށް 381 ކެންޑިޑޭޓުންގެ ފޯމު އީސީން ވަނީ ބަލައިގަނެފައެވެ. އޭގެ ތެރެއިން ޝަރުތު ހަމަވެފައިވަނީ ކިތައް ފޯމުގެ ކަމެއް އީސީން ހާމަކޮށްފައެއްނުވެއެވެ.

އަންނަ މަހުގެ 17ގައި މަޖިލިސް އިންތިޚާބު ބޭއްވުމަށް އީސީން ނިންމާފައިވާއިރު، އެ އިންތިޚާބު ބޭއްވުން ފަސްކުރުމަށް މަޖިލީހުން ވަނީ އިންތިޚާބުތަކާބެހޭ އާއްމު ގާނޫނަށް ބަދަލު ގެނައުމަށް ފާސްކޮށްފައެވެ. މި އިންތިޚާބުގައި 284،337 މީހުންނަށް ވޯޓުލުމުގެ ހައްގު ލިބެއެވެ.