ދިވެހި ބަހާއި ސަގާފަތާއި ތަރިކައާ ބެހޭ ވުޒާރާގެ ވެބްސައިޓު އައުކޮށްފިއެވެ.

އެ ވެބްސައިޓް އަލުން ހުޅުވާފައިވާއިރު މިއީ ރާއްޖޭގެ މާއްދީތަރިކައާއި މާނާވީ ތަރިކައާ ބެހޭ މައުލޫމާތު ހިމެނޭނެ ވެބްސައިޓެއް ކަމަށް އެ ވުޒާރާއިން ވަނީ ބުނެފައެވެ. އެ ވެބްސައިޓް މެދުވެރިކޮށް މައުލޫމާތުތަކުގެ އޯޑިއޯ އާއި ވީޑިއޯވެސް ތަޖުރިބާކޮށްލެވޭނެއެވެ.

މި ވެބްސައިޓް މެދުވެރިކޮށް އުސްތާޛު މުޙައްމަދު ޖަމީލުގެ އަޑުފުޅުން ރެކޯޑުކުރެވިފައިވާ ކީރިތި ގުރްއާނުގެ ތަރުޖަމާ ލިބޭނެއެވެ. އަދި ކީރިތި ރަަސޫލާގެ ސިޔަރަތާއި ނައިފަރު ދޮހޮއްކޮއާއި ރަތް ނިޒާރުގެ އަޑުން ކިޔާފައިވާ ރައިވަރު އަޑު އަހާލެވޭނެއެވެ. ހަމައެހެންމެ އިލްމީ ބައެއް ވެބްސައިޓްތަކަށް ވަދެވުމުގެ އިތުރުން ރާއްޖޭގެ ސަގާފީ ތަރިކައިގެ ތެރޭގައި ހިމެނޭ އުތީމު ގަނޑުވަރު އަދި ހުކުރު މިސްކިތު މުންނާރު ފަދަ ތަންތަން ތްރީޑީކޮށް ބަލައިލެވޭނެއެވެ.

ވުޒާރާގެ މަސައްކަތްތަކާ ބެހޭ ޚަބަރުތައް ވެސް  https://mdlch.gov.mv/ މެދުވެރިކޮށް ލިބޭނެއެވެ.