ލިތުއޭނިޔާގެ 'ޑޭ އޮފް ރެސްޓޯރޭޝަން' ދުވަހުގެ ތަހުނިޔާ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އެޤައުމުގެ ރައީސްއަށާއި ބޮޑުވަޒީރަށް ފޮނުއްވައިފިއެވެ.

ރައީސް އޮފީހުން ބުނީ ރައީސް މުއިއްޒު ވަނީ ލިތުއޭނިޔާގެ ރައީސް ގިތާނަސް ނޯސެއަޑާއާއި އެޤައުމުގެ ބޮޑުވަޒީރު އިންގްރިޑާ ސިމޮނީޓޭއަށް ވަކިވަކިން ތަހުނިޔާގެ މެސެޖެއް ފޮނުއްވާފައި ކަމަށެވެ.

އަދި ރައީސުލްޖުމްހޫރިއްޔާގެ އިޚުލާސްތެރި ހެޔޮއެދުންތައް އެ ޤައުމުގެ ސަރުކާރަށާއި ރައްޔިތުންނަށް ފޮނުއްވާފައިވާ ކަމަށް ވަނީ ބުނެފައެވެ.

މީގެ އިތުރުން، ލިތުއޭނިޔާ އަށް އިތުރު ކުރިއެރުމާއި ފާގަތިކަން ލިބުމަށް އެދިވަޑައިގަންނަވާ ކަމަށް ރައީސް ވިދާޅުވިއެވެ.