މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ޕްރައިމަރީ 2024 ގެ ވޯޓުލުން ފަށައިފިއެވެ.
އެމްޑީޕީގެ އެތެރޭގެ އިންތިޚާބުގައި ވޯޓުލުމުގެ ހައްގު ލިބެނީ މި އިންތިޚާބަށް ރީރަޖިސްޓްރީވި 1200 އެއްހާ މެންބަރުންނާއެކު، ޖުމްލަ 25،325 އާންމު މެންބަރުންނަށް ކަމަށް އެމްޑީޕީން ވަނީ ބުނެފައެވެ.
Advertisement
މި އިންތިޚާބަށް ރާއްޖޭގެ 95 ރަށެއްގައި ވޯޓު ފޮށި ބެހެއްޓޭއިރު، މާލޭގައި 27 ފޮއްޓެއް ބެހެއްޓޭނެއެވެ. އަދި މި އިންތިޚާބުގައި މާލޭގެ ވޯޓު ކަރުދާސްތައް، ކުލައިން ވަކިވާގޮތަށް ހުންނައިރު، އަތޮޅު ތެރެއަށް ހުންނާނީ ހުދުކުލައިން ވަކިވާ ގޮތަށެވެ.
އެމްޑީޕީން ބުނީ، ޕްރައިމަރީއާ ގުޅޭ ޝަކުވާ ބަލައިގަންނާނީ 03 ފެބްރުއަރީ 2024 ވާ ހޮނިހިރު ދުވަހުގެ ހެނދުނު 09:00 ން ފެށިގެން 05 ފެބްރުއަރީ 2024 ވާ ހޯމަ ދުވަހުގެ ހަވީރު 04:00ށް ކަމަށެވެ.
