އިސްރާއީލަށް ކުރައްވާ ދަތުރުގައި ފަލަސްތީނުގެ ދައުލަތެއް އުފެއްދުމަށް ފްރާންސްގެ ރައީސް އެމަނުއެލް މެކްރޮން ގޮވާލައްވާނެ ކަމަށް ރިޕޯޓްތައް ބުނެފިއެވެ.
އޭއެފްޕީއާއި ހަވާލާދީ އަލްޖަޒީރާގައި ބުނެފައިވަނީ، މެކްރޮންގެ އޮފީހުން ހާމަކޮށްފައިވާ ގޮތުގައި ފަލަސްތީނުގެ ދައުލަތެއް އުފެއްދުމަށް "އަސްލު ސުލްހައިގެ މަރުހަލާއެއް އަލުން ފެށުމަށް" އިމަނުއެލް މެކްރޮން އަންގާރަ ދުވަހު އިސްރާއީލަށް ވަޑައިގަންނަވާއިރު ގޮވާލައްވާނެ ކަމަށެވެ.
އިސްރާއީލުގެ އާބާދީތަކާއެކު ހުޅަނގު އައްސޭރީގައި "އިސްތިއުމާރުކުރުން ހުއްޓުވުމަށް" ވެސް ފްރާންސްގެ ރައީސް ގޮވާލާނެ ކަމަށް، ހުކުރު ދުވަހު އިއުލާންކުރި މި ދަތުރުގެ ކުރިން މެކްރޮންގެ އޮފީހުން ހޯމަ ދުވަހު ބުނެފައިވައިވާ ކަމަށް އޭއެފްޕީގައި ވަނީ ރިޕޯޓްކޮށްފައެވެ.
ނަތަންޔާހޫއާ ބައްދަލުވުމެއް ހިމެނޭ ދަތުރުގައި މެކްރޮން "އިސްރާއީލަށް އެއްބައިވަންތަކަން ދައްކަވާނެ" ކަމަށާއި "ޓެރަރިސްޓް ޖަމާއަތްތަކާ ދެކޮޅަށް ވައުދުތައް ވަރަށް ސާފުކޮށް ދެއްވާނެ" ކަމަށް ވެސް އޭނާގެ އޮފީހުން ބުނެއެވެ.
