ޔަހޫދީ ދައުލަތުން ބައިނަލްއަގުވާމީ ގާނޫނުތަކާ ހިލާފަށް ހިފާފައިވާ ހުޅަނގު އައްސޭރީގެ ޖެރިކޯ ސިޓީގެ ދެ ރެފިއުޖީ ކޭމްޕަކަށް އިސްރާއީލު ސިފައިން ވަދެ ބަދިޖެހުމުގެ ސަބަބުން ދެ މީހަކަށް އަނިޔާވެފައިވެފައިވާ ކަމަށް ރިޕޯޓްކޮށްފިއެވެ.
އަލްޖަޒީރާގައި ބުނެފައިވަނީ ހުޅަނގު އައްސޭރީގެ ޖެރިކޯ ސިޓީގެ ދެ ރެފިއުޖީ ކޭމްޕަކަށް ވަދެ ބަޑިން ދިން ހަމަލާގައި ދެ މީހަކު ޒަހަމްވެފައިވާ އިރު އޭގެ ތެރެއިން އެކަކުގެ ހާލު ސީރިއަސް ކަމަށެވެ. އަލްޖަޒީރާގައި ބުނެފައިވަނީ ޖެރިކޯގެ އަޤަބަތު ޖަބްރު އަދި އައިން އަލް ސުލްތާން ރެފިއުޖީ ކޭމްޕްތަކުގައި ދިރިއުޅޭ މީހުންނާ ކުރިމަތިލާން ޖެހުމުން އިސްރާއީލުގެ ސިފައިން ބަޑިޖަހާފައިވާ ކަމަށެވެ.
އިސްރާއީލުން ދިން ހަމަލާތަކުގެ ތެރޭގައި ޣައްޒާގައި އެތައް ހާސް ބަޔަކު މަރުވެފައިވާއިރު، މިދިޔަ ހަފްތާ ބަންދުގައި ހަމާސްގެ ހަނގުރާމަވެރިންނާއި އިސްރާއީލާ ދެމެދު ހިނގި ހަމަނުޖެހުންތައް ހިނގި އިރު، ހިފާފައިވާ ހުޅަނގު އައްސޭރީގައި ގިނަ އަދަދެއްފެ މީހުން މަރުވެ ޒަހަމްވެފައިވާ ކަމަށް ރިޕޯޓްތައް ބުނެއެވެ.
އަލްޖަޒީރާ އަރަބިކް އިން ރިޕޯޓްކުރާ ގޮތުގައި އިސްރާއީލުގެ އަސްކަރީ އޮޕަރޭޝަނެއް ހިފާފައިވާ ހުޅަނގު އައްސޭރީގެ ޖެރިކޯ ސިޓީގައި ކުރިއަށް އެބަދެއެވެ.
އަލްޖަޒީރާ އަރަބިކް އިން އެކްސްގައި އާންމުކުރި ވީޑިއޯ ކްލިޕެއްގައި ފެންނަނީ ޖެރިކޯގެ އަޤަބަތު ޖަބްރު ރެފިއުޖީ ކޭމްޕްގެ ހަނި މަގުތަކަށް ބަރު ހަތިޔާރު އެޅި އިސްރާއީލުގެ ސިފައިން ދުވެފައި ދާތަނެވެ.
ވަކިން ވީޑިއޯ ޕޯސްޓެއްގައި ވެސް ވަނީ ފަލަސްތީނުގެ މުޒާހަރާގެ ބައިވެރިންނާއި އިސްރާއީލުގެ އަސްކަރިއްޔާއާ ދެމެދު ހަމަނުޖެހުންތަކެއް ހިނގާފައި ކަމަށާއި، އޭގެ ފަހުން ޔަހޫދީ ސިފައިން ޖެނިން އަށް ވަދެފައިވާ ކަމަށް ވެސް ވަނީ ރިޕޯޓްކޮށްފައެވެ.
