1-1 ން އެއްވަރުވާން ދިޔަ މެޗުގެ އިތުރު ވަގުތުގައި މަޓިޕް އަތުން ބައިކޮޅަށް ވަން ލަނޑުން, ލިވަޕޫލް އަތުން ޓޮޓެންހަމް މޮޅުވެއްޖެއެވެ.

ޓޮޓެންހަމްގެ ދަނޑުގައި ކުޅުނު މެޗުގައ ލިވަޕޫލްގެ މައްޗަށް ކުރިހޯދީ 2-1 ނެވެ. މެޗުގައި ފުރަތަމަ ލަނޑުޖަހާ ކުރިހޯދީވެސް ޓޮޓެންހަމް އިންނެވެ. 36 ވަނަ މިނިޓްގައި ކުރިހޯދައިދިނީ ސޮން އެވެ. ފުރަތަމަ ހާފްގެ އިތުރު ވަގުތުގައި ލިވަޕޫލަށް ނަތީޖާ ހަމަހަމަކޮށްދިނީ ގަކްޕޯއެވެ. މެޗު އެެއްވަރުވެގެން ނިމޭނެކަމަށް ބެލެވިފައި ވަނިކޮށް, ލިވަޕޫލް ބަލިވީ އިތުރު ވަގުތުގެވެސް ހަވަނަ މިނިޓްގައި މަޓިޕް އަތުން ބައިކޮޅަށް ވަން ލަނޑުންނެވެ. މެޗުގެ ބޮޑުބައި ލިވަޕޫލުން ކުޅެން ޖެހުނީ ދެ ކުޅުންތެރިން މަދުކޮށް, ނުވަ ކުޅުންތެރިންނާއެކުއެވެ. އެއީ 26 ވަނަ މިނިޓްގައި ޖޯންސް އަށް ސީދާ ރަތްކާޑް ދެއްކުމުންނެވެ. އަދި 69 ވަނަ މިނިޓްގައި ދެވަނަ ރީނދޫ ކާޑާއެކު ޖޮޓާއަށް ރަތްކާޑް ދެއްކުމުންނެވެ.

މިނަތީޖާއާއެކު ލިވަޕޫލް ތާވަލްގެ ހަތަރުވަނައަށް ސޮއްސާލާ, ޓޮޓެންހަމް ވަނީ ދެވަނަ އަށް ޖެހިލާފައެވެ. ދެވަނާގައިވާ ޓޮޓެންހަމްއާއި ތިންވަނާގައިވާ ލިވަޕޫލަށްވެސް ލިބެނީ 17 ޕޮއިންޓެވެ. ހަތަރުވަނާގައި ލިވަޕޫލް އޮތީ 16 ޕޮއިންޓާއެކުއެވެ.