ކެމްޕޭންގެ ތެރެއިންނާއި އެކިއެކި ކަންކަމުގައި ބައްދަލުވާ ރައްޔިތުންގެ ބުނެފައިވަނީ ރައްޔިތުން އެދޭ މައްސަލަތައް ހައްލުކުރެވޭނީ ރައީސުލްޖުމްހުރިއްޔާ އިބްރާހިމް މުހައްމަދު ޞާލިހަށް ކަމަށް، އެމަނިކުފާނުގެ އަނބިކަނބަލުން ފަޒްނާ އަހުމަދު ވިދާޅުވެއްޖެއެވެ.
ރާއްޖެ ޓީވީގެ ފަށާއިރުގައި މެހެމާނެއްގެ ގޮތުގައި ބަައިވެރިވެވަޑައިގެން ރައީސްގެ އަނބިކަނބަލުން ފަޒްނާ ވިދާޅުވީ އާންމުންގެ ވަރަށް ބޮޑު އިތުބާރެއް ރައީސްއަށް އެބައޮތް ކަމަށެވެ. އެގޮތަށް ވިދާޅުވަނީ އެންމެ ބޮޑު ޝަކުވާތަކެއް އައި މުސާރައިގެ މައްސަލައިގައި ސްކޫލް ޓީޗަރުންނާއި ހެލްތު ޕްރޮފެޝަނަލުންގެ މުސާރަ ބޮޑުކުރެއްވި ކަމަށެވެ. މީގެ އިތުރުން މާލޭގެ ރައްޔިތުންނަށް ދާއިމީ ބޯހިޔާވަހިކަމެއް ދެއްވާނެކަމުގެ ވައުދުފުޅާއެކު ރައީސް ގޯތި ދެއްވި ކަމަށެވެ. ފަޒްނާ ވިދާޅުވީ މި ހުރިހާކަމެއް ކުރެއްވި ނަމަވެސް އަދިވެސް ހައްލުކުރަންޖެހޭ ކަންކަން އެބަހުރި ކަމަށެވެ. އަދި އެކަންކަން ހައްލުކުރެވޭނީ ވެސް ރައީސް ޞާލިހަށް ކަމަށް ގިނަ ބަޔަކު ދެކެވަޑައިގަންނަވާ ކަމަށެވެ.
މިސާލަކަށް ހެލްތު ޕްރޮފެޝަނަލުންގެ އެބަހުރި މަސައްކަތް ކުރާ ގަޑީގެ މައްސަލަތަކާއި އެއްޗެހި. މިހާރުވެސް ޓީޗަރުން ވީކެންޑުގައި ނުކުންނަން ޖެހުމާއި މި ހުރިހާ އެއްޗަކާއެކީގައި ވެސް އެމީހުން ގަބޫލުކުރޭ ވާހަކަ ދައްކައިގެން އަދިވެސް މިކަން ހައްލުކުރެވޭނީ އިބޫއަށްކަން. އަޅުގަނޑާއި މީގެ ކުރިން ދިމާނުވާ އެންޖީއޯއެއް. އެމީހުންނާއި ދިމާވީމަ ވެސް ދެެއްކި ކަންބޮޑުވާ ވާހަކަ. އެމީހުން ގަބޫލުކުރަނީ އަދި ބޭނުމެއްވެސް ނޫން ސަރުކާރު ދާކަށެއް. ކަންބޮޑުވާ ކަންކަން އެބަހުއްޓޭ އެހެންނަމަވެސް އަދިވެސް މިކަންކޮށްދެވޭނީ އިބޫއަށް ކަމަށް ގަބޫލުކުރަމޭ ބުނި.ރައީސްގެ އަނބިކަނބަލުން ފަޒްނާ އަހުމަދު
ފަޒްނާ ވިދާޅުވީ ކެމްޕޭނުގައި ޑޯޓުޑޯއަށް ގޮސް ބައްދަލުކޮށް ވާހަކަ ދައްކާ މީހުންނާއި މުލިއާގެއަށް އައިސް ބައްދަލުކުރާ މީހުންގެ ވެސް ރައީސް ޞާލިހަށް އޮތް އިތުބާރު ފެނިވަޑައިގަންނަވާ ކަމަށެވެ. އަދި އެމީހުން ރައީސްއަށް ވޯޓުދެއްވަނީ ދޭ ހަދިޔާއެއްގެ ސަބަބުން ނޫން ކަމަށާއި، ވޯޓު ދެއްވަނީ އިތުބާރުކުރައްވާތީ ކަމަށެވެ. އަދި ބައްދަލުވާ ފަރާތްތަކުން ބުނަމުންދަނީ ކަންބޮޑުވުންތައް ހައްލުކޮށްދެއްވީ ރައީސް ކަމަށާއި، ދެންވެސް އެބޭފުޅުންގެ ކަންބޮޑުވުންތައް އަޑުއައްސަވާފައި ހައްލުކޮށްދެވެންޔާ ހައްލުކޮށްދެވޭނީ ރައީސްއަށްކަން އެބޭފުޅުން ގަބޫލުރައްވާ ކަމަށެވެ.
އެހެންވެ ވޯޓު ދޭނަމޭ. ވަރަށް ހިތްހަމަޖެހިގެން ވާހަކަދައްކާ މިހުންނާ ވެސް ދިމާވޭ. އެއްދުވަހަކު މުލިއާގެއަށް އައި ވަރަށް ރުޅިއައިސްގެން މީހަކު. ފުރަތަމަ ސިޓިއެއް ފޮނުވަނީ. އޭގައި އޮތް ބަދު ދުއާވެސް ކުރާނަމޭ. ދެން ސެކްރެޓަރީވެސް ވިދާޅުވެއްޖެ ދެން ކިހިނެއްހޯ މިއަށް ހަދާނީ. ދެން އަޅުގަނޑު ބުނިން އޭނައާވެސް ޖެހޭނޭ ވާހަކަދައްކާލަން. ދެން އޭނަ އައިސް ރޮއިރޮއިފަ މިހެން މިހެން ބުނީ ރުޅިއައިސް ހުރުމުންނޭ. ހިތްހަމަ ނުޖެހޭ މީހުންނާ ދިމާވޭ. ކުދިކުދި އިޝޫސް އެ ނަގަނީ. އެކަމަކު އެ ހިތްހަމަނުޖެހުމުގެ މައްޗަށް އެމީހުން ގަބޫލުކުރޭ އެމީހުން އިތުބާރުކުރާކަން އިބޫއަށް. އެހެންވީމާ މިތިއްބެވި 8 ކެންޑިޑޭޓުންގެ ތެރެއިން ތިމަންނަމެންނަށް ނެތޭ ޗޮއިސްއެއް އިބޫ ނޫން. އެހެންވީމަ އިބޫއަށޭ ވޯޓު ދޭނީ.ރައީސްގެ އަނބިކަނބަލުން ފަޒްނާ އަހުމަދު
މާލޭގެ ބޯހިޔާވަހިކަމަށް އިޝާރަތްކުރައްވާ ފަޒްނާ ވިދާޅުވީ ކެމްޕޭންތަކަށް ގެތަކަށް ވަޑައިގަންނަވާއިރު ހިތްޕުޅަށް އަރާވަޑައިގަންނަވަނީ އެ ރައްޔިތުން ދިރިއުޅެނީ ކިހިނެއްބާއެވެ. އަދި ސްކޫލް ދަރިވަރުން ކިޔަވަނީ ކިހިނެއްބާއޭ ހިތްޕުޅަށް އަރާ ކަމަށާއި، ބޯހިޔާވަހިކަމަކީ ވަރަށް ބޮޑު މައްސަލައެއް ކަމަށެވެ. ފަޒްނާ ވިދާޅުވީ ރޭގަނޑު ކުދިން ނުނިދާވާހަކަ ދައްކާ އިރު، ހިތްޕުޅަށް ބައެއްފަހަރު އަރާވަޑައިގަންނަވަނީ އެކުދިން ނިދަންދާނެ ތަނެއް ނެތީ ނުނިދާ ތިބެނީ ކަމަށެވެ. އަދި އެއްބަޔަކު ނިދާ ހޭލީމަ އަނެއްބަޔަކަށް ނިދޭގޮތަށް ހުންނަ ކަމަށްވެސް ހިތްޕުޅަށް އަރާ ވަޑައިގަންނަވާ ކަމަށެވެ.
ފަޒްނާ ވިދާޅުވީ ގޯތި ލިބުނު ފަރާތްތަކުން ލޮލުން ކަރުނަ އަންނަނީ ޒަމާނީ ބޯހިޔާވަހިކަމަށް ހައްލެއް ލިބުމުން ކަމަށާއި، އެއީ އެވަރު ކަމެއް ކަމަށެވެ. އަދި އެމީހުންގެ ވާހަކަ އަޑުއެއްސެވުމުން އެކަމަނާގެ ލޮލުންވެސް ފެން އަންނަ ކަމަށް ރައީސް ވިދާޅުވިއެވެ.
