ކްލަބް މޯލްޑިވްސް ކަޕްގެ ސެމީފައިނަލުން ޔުނައިޓެޑް ބީއެމްއެލްއާއި ވެމްކޯ ޖާގަ ހޯދައިފިއެވެ.

ވެމްކޯ ސެމީފައިނަލުން ޖާގަހޯދީ ކުއާޓާ ފައިނަލްގައި އާބަންކޯ ބަލިކޮށްގެންނެވެ. އާބަންކޯގެ މައްޗަށް ވެމްކޯއިން ކުރިހޯދީ ޕެނަލްޓީ ޖަހައިގެން 6-5 ނެވެ. މެޗުގެ ފުރިހަމަ ވަގުތު ނިމުނީ ދެޓީމް 2-2 ން އެއްވަރުވެގެންނެވެ. ފުރިހަމަ ވަގުތުގައި ވެމްކޯގެ ލަނޑު ޖެހީ އަލީ ޝިޔާހު އާއި އިސްމާއީލް ވަޖީހުއެވެ. އާބަންކޯގެ ދެ ލަނޑު ޖެހީ ނާއިޒު ހަސަން (ދާދު) އާއި ހުސެއިން ޝަރީފެވެ. މެޗުގެ ފުރިހަމަ ވަގުތު ދާދު ލަނޑު ޖެހިޔަސް ނަތީޖާ ނެރުމަށް ޖެހި ޕެނަލްޓީގައި އޭނާއަށް ކާމިޔާބެއް ނުކުރެވުނެވެ.

ބީއެމްއެލް ސެމީން ޖާގަހޯދީ 5-3 ން ސްޓެލްކޯ ކްލަބް ބަލިކޮށްގެންނެވެ. މެޗުގައި ބީއެމްއެލްގެ ލަނޑުތައް ޖެހީ އަހުމަދު ހުނެއިފް, ހުސެއިން އަލީ, ހައިސަމް ރަޝީދު, އިޝާން އިބްރާހީމް އަދި އަހުމަދު ނަބީލްއެވެ. މެޗުގައި ފުރަތަަ ލީޑް ނެގީ ސްޓެލްކޯއިންނެވެ. ލީޑް ނަގައިދިނީ އިބްރާހީމް ރިމާހު އެވެ. ސްޓެލްކޯގެ ދެވަނަ ލަނޑުވެސް ޖެހީ އޭނާއެވެ. ތިންވަނަ ލަނޑު ޖެހީ ޖުމެއިލް ޖަމީލް އެވެ.

ސެމީފައިނަލްގެ ފަހު ދެޖާގަ ޔަޤީންވާނީ އާދިއްތަ ދުވަހުގެ ރެއެވެ.