ހުޅުމާލެ ދެވަނަ ފިޔަވަހީގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ކެމްޕެއިން ޖަގަހައެއް ހުޅުވައިފިއެވެ.
މި ޖަގަހަ ހުޅުއްވައިދެއްވީ ޑިފެންސް މިނިސްޓަރު މާރިޔާ އަހުމަދު ދީދީއެވެ. ރައީސް ސާލިހުގެ ކެމްޕެއިން ޝިއާރަކީ "އުފާވެރި، އަމާން ރާއްޖެ" އެވެ.
ޖަގަހަ ހުޅުއްވައިދެއްވަމުން މާރިޔާ ވިދާޅުވީ ރައީސް ސާލިހުގެ ވެރިކަމުގައި ރައްޔިތުންނަށް ހަމަޖެހުމެއް ލިބިއްޖެކަމަށާ އަމާންކަން ދަމަހައްޓަން އަދިވެސް އެމަނިކުފާނަށް ވޯޓެއް ދޭންޖެހޭ ކަމަށެވެ.
ހުޅުމާލެ ދެވަނަ ފިޔަވަހީގައި ރައީސް ސާލިހުގެ ކެމްޕެއިން ޖަގަހައެއް ހުޅުވާފައިވާއިރު ރައީސް ވަނީ ޖޫންމަހު އެމްޑީޕީގެ އައްޑޫ ސިޓީ ފޭދޫ ޖަގަހަ ހުޅުއްވައިދެއްވާފައެވެ. އެމްޑީޕީގެ ފޭދޫ ޖަގަހަ ހުޅުވައިދެއްވުމުގެ ގޮތުން ރައީސް ވަނީ ރިބަން ކަނޑުއްވައި ދެއްވާ ޖަގަހައިގެ ދިދަ ނަންގަވައިދެއްވާފައެވެ.
